|
كيف اتصرف مع الناس الوقحه ولي تتعمد تضايق الناس؟؟!!
السلام عليكم ورحمه الله وبركاته
اولا انا عضوه جديده واتمنى اكون صديقه لكل الاعضاء ونفيد ونستفيد من بعض على الله مابلانا
موضوعي من عنوانه ... بجد واااااااااااايد متعبني ومضايقني ومب عارفه شلون اتصرف حزات اقول في داخلي وقلتها من الاساس لهلي... لازم اتعلم فن الوقاحه عشان خاطر سواد عيون الناس الوقحه الي تحب وتستمتع حقيقه في مضايقه الناس سواء كان لفظي او بالحركات والهمز واللمز
ماادري هل لانني حساسه زياده عن اللازم ؟ او انا مسويه اعتبار وايد لناس؟ او لان تشخيص حالتي في الطب النفسي هي اضطراب الشخصيه الحديه؟ وانا بصراحه مش مقتنعه بتشخيصهم احس الدكاتره دايما تحب تبالغ ؟ او لان انا مش فاهمه نفسي؟
اسفه الامور وايد داخله في بعض لان انا قاعده اكتب الي داخلي وداخلي الاغلب مافي شي مرتب ومنظم
ممكن حد يقولي شلون اتعامل مع هالفئه من الناس لاني خايفه اسوي شي واندم عليه بعدين.
|