مشكلتك ماشاء الله بسيطة لكن حسستني إنها أعظم مشكلة
يعني احساسك بالعجز والضعف وخيبة الأمل هو المشكلة
ملايين من الناس ان ماكان معظمهم عندهم فوبيات
اذكر مرة قرأت عن هتلر كان عنده فوبيا القطط يحارب جيوش لكن يموت رعب قدام قطة !
بالبداية لاتعذب نفسك وتجلدها بس عشانك تخاف من ركوب الطائرة
وخلي ببالك انه كثير غيرك يعانوا نفس المعاناة وعايشين حياتهم
بدون مايحسوا بأي مشاعر سلبية تجاه أنفسهم
اقرأ عن مشاهير عندهم فوبيا الطيران وبتتفاجأ من بساطة تعايشهم مع مشكلتهم
حاول تخفف قلقك بكلام يطمن يعني مثلا" حوادث الطائرات تتعد عالأصابع
وحوادث السيارات تصير بشكل يومي يعني مين فيهم الأكثر أمنا"؟
مثل ماقالت الأخت حنين جرب تركب طيارة اختار أحد ترتاح له وخذه معاك
وتكون الرحلة قصيرة وان شاء الله تنبسط وتكررها
_
أعرف واحد نفس مشكلتك ماعمره طلع طيارة وبشهر العسل طبعا" ماقدر يرفض
وسافر برحلة أكثر من ست ساعات وماصار له شي الحمدلله
_
ترى البداية بكل شي صعبة وتحتاج شجاعة قوي قلبك وتوكل على ربك وجربها ..