مريوما

بيانات اضافيه [ + ]

رقم العضوية : 34217  تاريخ التسجيل :  05 2011  أخر زيارة : 27-09-2012 (06:18 PM)  المشاركات : 91 [ + ]  التقييم :  10

لوني المفضل : Cadetblue

ماشاء الله تبارك الله


ربي يحميك ويحفظك لوماكتبت عمرك كنت بفكرك دكتور عمره بالخمسينات _



بالنسبة لي حالتي الحمدلله أشوفها خفيفة واذا شد علي الرهاب أحيانا"
<< نفسي أخترع له اسم ثاني :(


المهم اذا شد علي اللي مايتسماش أحاول أكافحه بكل السبل


مثلا" حالة الحزن اللي تجي بعد الموقف المؤلم أحاول أكافحها وماأخليها تطول معاي


أجلس أكلم نفسي وانه خلاص الدنيا زائلة وماتسوى وأحيانا" أجلس أسمع أو أقرا عن أهوال القيامه


والقبر وغيرها من أمور الآخرة لين أحس ان مشكلتي تآآآآفهه وماتستاهل تفكيري


بس نفسي أصير تمام وأواجه كل المواقف ..


من المواقف اللي مقدر أواجهها إني مثلا" أصب قهوه


عندي أحد يطلبني أطلع جبل مية مره ولا يقولي صبي للضيوف قهوه


وقتها أصير على الهزاز _


الحمدلله عادي اتكلم مع مجموعه صغيره لكن المجموعات الكبيرة ولاأفكر ..


وبالنسبة للرهاب هل هو مكتسب أم فطري أشوفه الاثنين مع بعض


يعني يكون بعض الأشخاص عندهم استعداد للرهاب وعلى حسب وضعهم في الأسرة أو العمل ...الخ


اللي وضعهم تمام مايصير عندهم رهاب واللي يكون وضعهم سئ يبدأ يظهر الرهاب على السطح


أنا الرهاب عندي بسبب طريقة التربية وطبعا" لأني وأنا طفلة كنت حساسةوأكيد كان عندي استعداد للرهاب


أثر فيني التعامل السئ لكن غيري من اهلي ماشاء الله عادي ماأثر فيهم


بالرغم اننا كلنا نتعامل نفس المعاملة ..


وترى المعاملة السيئة اللي ذكرتها يمكن أغلب الأسر تعامل بها أبناءها


يعني زي الاستهزاء اللي في كل شي وعلى أي شي


ومآآآفي أي كلمة تشجيع وكأنهم مايصدقوا يشوفوا غلط على طوول أنواع التهزئ والتحطيم


طبعا" الحين كبرت وعرفت ان أهلي ماكانوا يقصدوا ايذائي كل هذا الايذاء النفسي


واستفدت الحمدلله اني مستحيل أجرح أي طفل ولا أسمح لأحد يجرح طفل قدامي ..


غير كذا كانت شخصيتي مرره حلوه ماشاء الله بالمدرسة ولما نقلت لمدرسة ثانية


جاتني زي الصدمه وبعدها الرهاب صار معاناة ..


الحين تخرجت الحمدلله من الجامعه ومازلت أكافح ..


أحس اني طولت بس عجبني الموضوع وماقدرت أمسك نفسي _


جزاك الله خير وجعل ماكتبته في ميزان حسناتك


وان شاء الله متابعه معاكم..