نفساني - عرض مشاركة واحدة

06-07-2011, 07:55 AM

جزاك الله خير أخوي على المساعدة والإفادة ..

بالنسبة لأهلي أتكلم معاهم عادي كلهم الا أخوي الكبير

ماأرتاح لما أتكلم معاه وحتى أخواتي وأخواني زيي

لكن أتوقع انه بسبب شخصيته جدا" متسلط

وكمان أنا التوتر يزيد عندي مع اللي شخصياتهم كذا

وأهلي ذكور وإناث أحس شخصياتهم ماشاء الله كويسه

فيه بعضهم من النوع اللي ماشاء الله يغير جو المكان كله

وفيه اللي عادي زي أغلب الناس ..

بالنسبة لتفاعلهم مع الناس يمكن يكون أكثر مني بشوي

بس أنا كمان حمدلله اعتبر نفسي اختلط مع الناس وأتفاعل معاهم

ولي صداقات من سنين طويلة ..

وعادي أستقبل صحباتي وأجلس معاهم لكن الناس البعيدين

ماعمري استقبلتهم وضيفتهم لوحدي وأخاف من الفكره أصلا"

اتذكرت موقف صار من فترة ..

أمي كانت بتخرج وقالت لي انه فيه ضيوف جايين

وطلبتني أستقبلهم وأجلس معاهم لين تجي

كان حالي لا أُحسد عليه قمة التوتر والقلق

المشكلة أقول في نفسي عادي الوضع وأكيد بكون تمام

لكن مافي فايدة ..

وقتها فكرت أخلي أخوي يفتحلهم الباب ويقولهم ينتظرون أمي

بس حرام حزنت على أمي وأكيد بتعصب وتنقهر

بالأخير دق الباب ورحت فتحت لهم وأنا أحس اني أنجر لساحة الإعدام

وجلست معاهم وأنا أضغط على نفسي عشان لاأستسلم لفكرة الهروب

وطبعا" مافكرت أجيب لهم قهوه

درت عليهم بالعصير وقلت لوتأخرت أمي ماراح أجيب القهوه لو ايه

يمكن أسويلهم كابتشينو بأكواب كبيرة

أهم شي ما أمسك فناجين القهوة العربيه

لكن الحمدلله جات أمي وانتهت معاناتي ..

يمكن ماكان باين علي وأنا جالسة معاهم لأني حتى العصير ماشربته

خفت يبان علي

بس كنت مقهورة من كل المشاعر اللي أحسها

وحتى جلستي كنت جالسة وماسكة الخدادية بقووه

وأقول بنفسي لييييييييييه كل هذا ماله داعي

بس برضو مافي فايدة ..

<< معليش طولت بس عشان أوضح نسبة الرهاب اللي عندي

وألف شكر لك مرة ثانية ..

* ريم طلال ربي يسعد قلبك مشكوورة على رفع معنوياتي نقرتين لعرض الصورة في صفحة مستقلة

_