نفساني - عرض مشاركة واحدة - مشاعرنا وهمومنا مع القلق والخوف والتوتر والهلع

08-07-2011, 02:14 PM

اقتباس:

المشاركة الأصلية كتبت بواسطة حنيــن

الكوابيس من الشيطان طيب قبل الكابوس كنتي مزعوجة يعني احد مضايقك ومزعلك ؟؟؟

التشخيص اختي لازم لزوم تستمعين لرقية اذا مو من السمعات اسمعها عادي من الاب توب بس اهم شئ اشوف اعراضك من بعد السماع والا كيف اعرف ...؟؟؟

قبل الكابوس .. ما أعتقد كنت عادي بس أنا طبعي مزاجية وأتضايق بسرعة وخوافه ووسواسية وتشاؤمية بتفكيري - هذا طبع فيني من أول - بس طبعا مو دوووووم .. يعني اذا تضايقت من شي ..

أنا بالأساس الكابوس كان إني شفت أختي -الله يرحمها - توفت بالسرطان من سنتين - ولليوم لما أشوفها بالحلم حتى لو كان عادي أحس بخوف مو طبيعي .. لأني أفكر فيها بشكل دايم ومستمر ما تروح من بالي .. بس هذي الأعراض والكوابيس بدأت من قبل نوبة الهلع بفترة بسيطة وبعدها ...بعد وفاتها رحمة الله عليها كنا راضين بقضاء الله وحاولنا نتناسى حزنا وعشنا حياتنا عادي .. حتى كنت أحط صورتها ع تلفوني ,, بس ألحين ما أقدر أتكلم عنها أو أسمع أحد يتكلم عنها .. أحس بخوف وأخاف أحلم فيها .. ومتأكدة ان هذا من الشيطان -والعياذ بالله -

بالنسبة للرقية أنا بعد النوبة كنت أسمع للرقية .. بس يجيني خوف منها وأنتظرها تخلص وما أحب أعيدها مرة ثانية .. بس الوالدة كانت تجبرني .. وهذا من فترة .. وبصراحة صار لي فترة طويلة ما سمعت للرقية .. فيني خوف ما أدري ليش ...بس دايم أقرأ الأذكار ومداومة عليها وأقرأ القرآن ولله الحمد ارتاح له ..

لكن بإذن الله راح أسمع للرقية بأقرب وقت وبرد لك خبر بالأعراض ... بس ضيقة الصدر فيني بشكل شبه مستمر .. هل أحسبها من ضمن الأعراض ؟؟ ولازم آخذ بعين الاعتبار الخوف والوسواس إلي فيني يمكن هو إلي يمنعني من الاستماع أو يزيد الخوف عند الاستماع لها .. قصدي يمكن يكون نفسي .. ول شلون ؟؟