المشاركة الأصلية كتبت بواسطة ريم طلال

صبااااااااااااح الخير امولة ..
اخبارك يا قلبي ..
ان شاء الله انك بخير ..

حبيبتي .. الامر ان شاء الله بسيط كلنا لدينا مخاوف و لكننا قد نختلف في درجة او حدة هذة المخاوف ..
لكن صدقيني .. و من تجربة الموضوع ما يستحق ابدا ابدا ابدا كل هذا الخوف و التوتر ..

خلينا طيب نكون عمليين و واقعين ..
افضل طريقة لعلاج الرهاب انو اولا نحدد احنا ليش نخاف ؟
ثم نواجهة الاشياء او المواقف الي نخاف منها { بالتدريج } بكل بساطة ..

مثلا قلت انك تخافي الحديث مع احد ..
راح تحطين لك زي ما تقولي مقياس واحد الى عشرة
واحد راح يكون مواقف تخوف او توترك شوية و كلما ارتفع الرقم راح يكون معناه انة صعب جدا و يخوف جدا
على الرغم انة ما فية اصلا حاجة تخوف و لكن ما علية ..

ثم تجيبي ورقة و قلم و تكتبي عدة مواقف تكون درجة الخوف فيها خفيفة او بسيطة ..

و تجربي كثير من المواقف البسيطة راح ترتبكي شوية في البداية و تتضايقي بس لا تهتمي للخوف او توترك
و لا يهم انك تكلمتي بطريقة صح و لا كان كلامك مضبوط و مرتب و غيرة ... كل هذا مو مهم
لانة في الحياة ما فية ناس ما تغلط في الكلام ايش ما كانوا فخففي على نفسك و لا تهتمي اذا كنت مرتبكة ..
بعد كل موقف شجعي نفسك و قولي لنفسك برافوا يا امل اتاريك ما شاء الله كلامك حلو الحمد لله انا قدرت اسويها
و من الكلام المشجع قوليها كثير و حتى و لو كان يبدو لك الموقف بسيط ..

بعد كذا راح يجي وقت تقولي يالله كان الموقف ما يستحق كل هذا التوتر و القلق كان جدا بسيط ..

بعد كذا نتقلي الى مواقف اصعب شوية و ثم اصعب حتى توصلي لمرحلة تكون فيها اكثر راحة في الحديث مع الناس .. بعض الناس مخاوفها محددة كلما كنتي محددة كان الموضوع اقل رعبا و خوفا لانك راح تشوفي انك شاطرة في امور و ترتبكي في امور اخرى ,,,,,,,,, يعني مو في كل شيئ و هذا مهم جدا .

اشتري كتب عن زيادة تقدير الذات و الثقة بالنفس و كيف التعامل مع الناس اقراي
القراة جدا ممتعة .. و راح تستفيدي كثير و فية كتاب جدا رائع احبة مرة

اسمة تقدير الذات للمؤلف : د. ماثيو ماكاي و باتريك فانينيج ..
جدا ممتع و الجميل فية انو فية اشياء تقدرين تجربيها و يعطيك تقنيات تقدرين تطبيقنها ..
راح ادور علية في النت علشانك و ان شاء الله القاة ..

حبيبتي امولة ........................................ ابدا ابدا ما شيئ اسمة ما فية امل
او الوقت تأخر بل العكس احنا قادرين انا نتغير للافضل بس الامور قد تكون شوية صعبة
في البداية بس صدقيني انو يستحق انو الانسان يغير نفسة الى الافضل دايما ..

وسعي علاقاتك مع الناس لا تحصري نفسك مع صديقة واحدة صدقيني الناس فيها خير
و فية كثير من الناس تحب انك تكوني صديقة لها ..

يبدو لي انك غير عاملة يا ليت تبحثي عن عمل .. لانة العمل يساعدك كثير في هذا الموضوع و يعطيك فرصة تقابلي
ناس مختلفة و تعطيك خبرة في كيفية التعامل مع الناسو راح تطور و تقوي ثقتك بنفسك بكل تأكيد ..

دعواتي لك امولة .... (: