|
ويقلووووووون ليش الشباب يغازلوووووون!!!!!!!!!
السلام عليكم ورحمة الله وبركاته
طبعا هذا الموضوع لايبرئ الشباب ولا يحل لهم المغازل وانتهاك حرمات الله وذلك لان الله سبحانه وبحمده امر المؤمنين امرا صريحا في القرآن بغض البصر.. وعدم الامتثال لهذا الامر يعتبر انتهاكا صريحا لاوامره سبحانه بغض النظر عن المغريات ..
ولكن اردت من نقل هذا الموضوع لفت نظر الفتيات المتبرجات بانهن محاسبات على انحراف الشباب وانهن يتحملن المسؤليه في ذلك وسيقفن امام الله يوم القيامه يحملن اوزارهن واوزارا مع اوزارهن .. فليتقين الله في انفسهن وفي ابناء المسلمين ... والله المستعان ..
ويقلون ليه الشباب يغازلون .. انا اقولكم ليه ...
العبايات:-
وما ادراك ما العبايات
شمغ .. ساري.. شك .. خرز.. طب وتنقى بس لا تكثرن يالبنيات..
نشوف ان العبايات بدت حبه حبه شوي شوي.. بزر بدا يخطي
كانت وسيعه==> بدو يضيقون===> فستان عزيمه===> بدلة رقص ==> خلصنا صارت (....) وبئس المثيل
واللي لفت انتباهي.. مره وانا عند خياط عبايات كان فيه ثنتين وحده عبايتها تقول جلابيه من اليشمك ..
والثانيه قاعده تفصل عبايه .. عاد تقول للخياط ضيق من عند الخصر.. وخلها كلوش من تحت(يعني فرنسي) والخياط ماغير يضيق بهل العبايه لمين الخياط طلع من طوره وقال :ماما هذا مافي عباه هذا صار فستان عروسه..
(ماشاء الله الهندي اعقل منها)
عاد كانت البنت من ربع .. قالت وش دخل امك الحين انت
الهندي تلايط
ولا يوم خلصت قالت خل فتحات من الجوانب وخلهن لين الركبه.. عشان يطلع البنطلون الجينز .. ( وبعد كل هذا لها عين تقول ماما لاحقني واحد بروح اعلم الهيئه)
خلونا الحين من ذولي قالتله عندك خرز؟؟ احمر قال الهندي المسكين ايه قالت حطه بالعبات كله ..
من حق عبات صارت ..(بس اقول الله يستر عليهن بس)
الشيل والطرح..(القصمان الغدفه)
وهذي انواعها حدث ولاحرج
1-الفوطه:الي صايرتن تسنه فار مقرضه مافي جخر الي فيها.. الثانيه مشخالة رز..
2-الخيشه:-الي اذا حطيته على وجهك تقول كنه بس متشعمط على وجههك ومخشوه .. وش حدكم على الشقى ..
3-لوحة بيكاسيو:-الي مافي لون بالعالم الا رازتوه بالغطى حشى ماصرنا بنات الخليج (السودان وقفل الباب وراك)
4-غطى على غفله:-خله حرير بس يكون شفاف الله يرحم والدينك (طيب ليه تغطين )..(والله ماودي بس الوالد اجبرني )
5-مافي خيط هندي وخرزه الا بالغطى:-الي تصير كله شخابيط ..
هذي بعض الطرح الي هابين فيها البنات هاليومين بنات ترى الموضه الحين الجنز لا يفوتكم
الشنط:-
1-اهم شي انها تكون صغيره وتلصق بالاباط وتكمل ضيق الكم بالله وشلون تمشي..
الجزم:-
1-عماير المملكه والفيصليه والراشد معاهم:-(بالغصب طويله وعنقى )تلبسهن بس اويلاه من جاء ودفه
2-جزم االشباب العرابجه:-احلىىىىىى من قدكم يا شباب البنات بدوا يقلدونكم..
اللثمه:-
وهذولي يالله النجاة من النار لها مكياج خاص فيها
1-النينجا:-الي تلثم وتحط فوقها طرحه .. وخذوا ياعيون وحواجب ثمانيه
2- فارس بلا جواد:-الي تسوي لثمه بس بدون طرحه (لثمةطويلات اللسان)
3-لثمة2002:-الي تطلع كل شي الشعر واللي تبي طب وتنقى (وشوله متعبه نفسك )
4-لثمه مع غطى خفيف:- هذي اللي تلثم وتجدع غطى (الظاهر انها مستحيه )
هذه خاطرة اختي في الله بنت القصيم
|