هلا أخوي مجهر شخبارك وشخبارك أحوالك إن شاء الله بخير ؟ وأنا متأكده إنك بألف خير مدام مبتعد عن هذي السموم إلي إسمها أدويه نفسيه إلي مثل ماذكرت مامنها فايده ومساوئها واضحه وباينه .
أنا مجالي في دوامه الطب النفسي أقل منك بأضعاف بس الحمدلله إقتنعت بعدم جدواها بسرعه ولي خلاني أقتنع أكثر هو تجربتك إنت مع الأدويه إلي بصراحه أعتبرها مرجع لي وأدله موثوقه وبكل فخر إذا في يوم فكرت إني أرجع لطب النفسي وأدويته وسبحان الله أنا من البدايه كنت مش مقتنعه كنت أحس إن قلبي مقبوض وكل ماكنت أروح مواعيدي والله كنت أحس بضيقه بصدري وإكتئابي يزيد أكثر وهذا الكلام أذكر من ضمن الأشياء إلي مضايقتني في حياتي قلته للدكتوره إلي كنت أراجعها والأخصائيه لين سؤلوني شنو إلي مضايقني , كنت أقولهم أنا ماأحب أي هني .. لأين ييت هني أحس إني مخنوقه, أذكر كانت نظراتهم لي في هاللحظه إستغراب على صدمه على وهقه على صفعه على ويوهم يمكن خايفين أكشف حقيقتهم وحقيقه الطب النفسي؟!؟!؟
أنا كنت اتعالج قرابه السنه وكنت اخض دواء بروزاك ودوا ثاني مااذكر إسمه وبعد تقريبا شهرين تغير الدوا لين سبرالكس واتراكس ومثل ماذكرت صداع ودوخه وغثى وتبلد مشاعر وماعندي إحساس بالوقت لني كله راقده.. حياتي كانت كلها ليل وبحكم إني طالبه في الجامعه , نزل مستواي الدراسي طبعا للأسباب المذكوره وكنت لين أدرس بمشقه كبيره وعلى التعب إلي فيني كنت أحس إني أدرس 10 مقرارات مش مقرر واحد .. تخيل مقرر واحد مش قادره أدرسه وإذا على مستواي الدراسي أنا الحمدلله مجتهده في دراستي بس ............. الله لايعيد هذي الأيام
مع الأيام قمت أتكلم وقول إن الدوا متعبني وماأحس بأي تحسن كانت تقولي الدكتوره : كورس العلاج عشان يبين مفعول الدوا لين 6 شهور بعدين نخفض الجرعه, خلصت الست الشهور قتلها إبي أقطعه أو تغيرين لي قالت لاإستمري عليه عشان تبين نتيجته يمكن يبيلج أكثر من 6 . عديت الست شهور قتلها متى باقطع الدوا قالت: لا مابتقطعينها , بتاخضين الأدويه لين ماتتخرجين , لنه حرام تضيع منج سنيين الدراسه (قصدها بينتكس حالي ويمكن أطلع من الجامعه لني مكتئبه بالنسبه لها ومحتاجه دوا نفسي)
لين يا اليوم إلي قررت وبعد تفكير عميق وصراع مع الطب النفسي إلي شاكه فييه لين هذا اليوم بعدم جدواه إني أقطع الأدويه وتغلب على مشاكلي بإراتي إلي الله راح يعطيني إياها وبيساعدني وبيعيني عليها
ويا موعدي الأخير وكانت أساله الدكتوره المعتاده : شنو اخر أخبارج ؟ قاطعتها وقتلها أنا اليوم جايه عشان تنزلين لي الجرعه من الادويه لني قررت إني اقطع الادويه ... قامت تسألني أسأله إتضح لها إني لين الحين مكتابه وقالتلي : راح يكون في تناقض في ملفج , بكتب إنج بتخفضين الجرعه ونتي لين الحين مكتأبه. رديت عليها أنا مش مقتنعه بالطب النفسي من الاساس ولاإنتي تقدرين تقنعيني ولاأنا أقدر أقنعج؟ ماردت علي وقالت خلاص بكتب لج الادويه وتحسبت إن منزله الجرعه .. طلع لامنزله ولاشي وخضت الادويه وحذفتهم على الارض وطلعت وقلتها لهلي الدكتور النفسي يعاملك واحد من ثنين او الثنيين مع بعض ماعنده مشكله: يايشوف إلي جدامه إلي ينقاله المريض مجنون او جاهل مايفقه في العلم ولا شئ وهو الفاهم والمتعلم.. يعني لوكانت قايلتلي بإسلوب طبعا إن ماتقدر تنزلي الجرعه لكذا وكذا وتشرحلي وضعي وتقنعني بشطارتها ولا تسوي هالحركه إلي جنها عاملتني مثل ماذكرت.
وأنا الحين صارلي 7 شهور وانا قاطعه الأدويه والله لايوريك شصار فيني يوم قطعت الادويه .. تقريبا 3 أسابيع في عذاب من الأعراض الإنسحابيه ولني ماخفضت الجرعه وعلى طول قطع
والحمدلله عدت هذي الايام إلي ماشفت منها غير زياده هم ونكد على إلي فيني
وصح أنا لين الحين حزينه ومب عايشه حياتي مثل إلي في سني ... بس أنا متأكده إن هذي فتره في حياتي وراح تعدي إن شاء الله ومالنا غير ربنا نلجأله والله لايردني لذيك الأيام
والله يوفقك ياخوي ويعوضك ويعوضنا على كل السنيين إلي راحت من عمرنا في حزن وعذاب وحيره بسعاده وراحه بال .