|
قصتى عن النوبة واسباب الدوخة
السلام عليكم انا عضوة معاكم من فترة كده وتحديدا من اول مرة كنت ببحث عن حالتى فى النت لحد ماعرفت انه نوبة هلع وخصوصا من الموت وقصتى انى كنت فتاة طبيعية جدا واشتغل عادى لحد ماجيت فى مساء احد الايام استعد للنوم وفجأة بدون مقدمات حسيت احساس غريب انى روحى بتتسحب منى وكأنه الموت وصرخت على ابى قولت له بموت وقعدت اقرأ الشهادة وايه الكرسى والمعوذتين وصرخت على امى وكانت هى نايمة وقولت اودعهم واودع اخوانى وكنت فى حالة غريبة مش قادرة اقعد على الكرسى اور اهدى وعمالة اجرى فى الشقة كلها وضربات قلبى تعدت الحدود وعايزة افتح باب الشقة واجرى وهما يدخلونى ومش عارفة ده من ايه والمهم اخدونى على المستشفى لدرجة انى هاجمت الدكتور ههههههههه وقولتله قوم اكشف عليا وشوف فى ايه مالى والمهم الدكتور ربنا يكرمه قعد يتكلم معايا بهدوء لحد ماتقريبا هديت وعطانى اول مهدىء وهو موتيفال وعانيت معاه وتقريبا لااكل ولا اشرب وقىء شديد وعدم النوم والخوف من النوم يمكن اموت وانا نايمة وذهبت الى عملى وانا فى حالة غريبه جدا وقىء وعدم الرغبة فى الاكل وكان فى وساوس جامدة ومر اسبوع وفجأة وبدون مقدمات جاتلى النوبة فى العمل وكنت تقريبا زى المجنونة وزميلتى فى العمل لاتدرى ماذا تفعل معى وخرجت من العمل واتصلت على ابى وامى بودعهم واتصلت بخطيبى وطبعا زميلتى معى تحاول ان تهدينى ولكن لاحياة لمن ينادى وعايزة حد يوصلنى اقرب مستشفى ولكن خطيبى جه ووصلنى الى البيت ووكانت عندنا قريبة لنا جلست ترقينى وتقرأ عليا لحد ماهديت وتركت عملى وتركت كل شىء واهملت نفسى واهملت كل شىء لكن وذهبت الى دكتور وعطانى زناكس وسبرام 20 واستمريت على ديبرام لكن زناكس كان لا ينمينى ولا يهدينى وكنت فى حالة يرثى لها وكنت اخاف الجلوس وحدى وكنت انزل مع امى فى كل مكان وكان اخى لا يتركنى حتى يرجع ابى من عمله وهكذا وكنت انام مع امى واخاف انام لوحدى حتى اعزكم الله دخول الحمام
وذهبت الى دكتور اخر وعطانى ريميرون والحمد لله ريحنى على النوم وقطعت العلاج ولله الحمد ولن ارجع الى علاج مرة اخرى ولكن تاتينى النوبة بضيق التنفس شديد وكتمة لدرجة اضغط على اسنانى ووساوس يمكن اموت دلوقتى يمكن ولكن الحمد لله ربى هدانى والتزمت بالصلاة والنوافل والورد اليومى واذكار الصباح والمساء وذهاب الى حفظ القرأن وعلوم شرعية ولكن حاليا تاتينى دوخة وعدم اتزان واشعر انى هيغمى عليا وحاليا اخذ ليبراكس فهل هو السبب ام نوبة الهلع ]واسأل الله ان يشفينا ويعفو عنا
|