ضـوء

بيانات اضافيه [ + ]

رقم العضوية : 3870  تاريخ التسجيل :  04 2003  أخر زيارة : 02-01-2004 (11:07 PM)  المشاركات : 92 [ + ]  التقييم :  10

لوني المفضل : Cadetblue

جزاكي الله خير .. أختي القريشيه ..

على طاري العبايات والحجاب ..

خلوووني أقولكم موقف حقيقي صار لي شخصياً أثر في نفسي ..

مره كنت رايحه لدكتوري .. دكتور الأسنان .. وتأخر الدكتور وهو يشتغل في أسناني .. وجت المريضه اللي بعدي .. جت ممرضه وقالت لدكتور ..

دكتور المريضه هدى الـ ........ عملت لنا مشاكل تقول لي عشر دقايق وأنا استنى .. وين الدكتور

قال لها الدكتور طيب وأنا اايش اعملاااا ؟؟.. خليها تستنى لحدت ما خلص ..

واسمع الممرضه تهمس لمساعدة الدكتور .. هدى هاي معجبه كتير بالدكتور .. ما بتتحمل بعاده .. و..و..و.. ؟؟؟؟ .. ويضحكون ..

المهم خلصت أنا وطلعت .. وراحت أختي تأخذ لي موعد .. لأني أنا كنت تعبانه ولا أدري وين ربي حاطني فيه <<< ضرس العقل حسبي الله عليه يبي يطلع

ورحت أنا وجلست في غرفة الانتظار ارتاح .. لحدت ما تخلص أختي..

شوي الا الممرضه تجي تنادي هدى الـ ....... , تحمست أنا ودي أعرف من هي هذي هدى اللي كانوا يتكلمون فيها الممرضات ..ابي اشوفها ..

ما أدري الا اللي جنبي تقوم تقول أنا هدى .. آه لو تعرفون كيف كانت لابسه العبايه ..كانت على الراس وهذي اللي تجي قطعه وحده.. حتى يديها كانت اذا طلعت تقوم تغطيها بطرف العبايه ..

أنا انصدمت !!! .. وانقهرت في نفس الوقت .. كيف الممرضات كانوا يقولون هالكلام عنها .. والبنت شكلها مؤدبه ..وقررت اني اتناقش معاهم المره الجايه .. انو كيف يقولون عن البنت كذا .. ويتبلونها

وبعدين جت ودخلت أختي علي .. قالت :ضـــوء وين بطاقتك حقت المواعيد ؟

دورتها في شنطي ما لقيتها .. تذكرت اني نسيتها عند الدكتور في الغرفة ..
جيت ولقيت باب الغرفة مفتوح .. طقيت الباب ( طق .. طق .. طق) استأذن حتى أدخل وأخذ بطاقتي ..

شوي الا أشوف هدى شايله الحجاب عنها ( الطرحه والنقاب) .. وميك أب .. ومكحله العيون .. وفاله الشعر ..

أنا من هول الصدمه .. جتني حالت تــبــلـــد .. كيف هذي اللي تو كانت جالسة جنبي .. تستغفر .. وتسحب كموم العبايه حتى تغطي يدها !!!

ولا عـــاد وحده تعبانه ومصدومه ..وش تتوقعون منها .. غــــيـــــر التــتــنـــيـــــــــح..

قام الدكتور يقولي ايوه ضوء .. تفضلي ضوء .. وأنا ما زلت متنحه .. خاف الدكتور طبعا ..يحسب فيني شئ وأني تعبانه .. ويقوم من كرسيه ويقول ضوءفيك شئ ؟ تعبانه ؟ ضو ليه ما عم بتردي ؟؟

شوي الا هدى هذي تصارخ .. وتقولي .. أنتي انسانه ما تربيتي أهلك ما ربوك ؟؟؟ .. وتنادي الدكتور دكتور ارجع .. دكتور انا مريضة هي ما فيها شئ ؟؟؟

وتخليوا الدكتور جالس يقولها .. بس يا هدى ..

أنا انصدمت أكثر .. لانو فعلا الممرضات كانوا صادقيين للأسف..

ولما شفت الدكتور متوجه لمي كذا بسرعه .. واصحى على عمري .. واقول لالا دكتور ما فيني شئ .. بس كنت ناسيه بطاقت مواعيدي عندك ..


وطبعا سفهت هدى .. لأني بصراحه ما اتنازل أكلم ناس بهالمستوى الأخلاقي..

واعطاني الدكتور بطاقتي.. وتشكرته .. وجيت بطلع .. وسكرت باب الغرفة على الطريق <<< ووالله سكرته من غير قصد كنت دايخه ولا أدري وين ربي حاطني

ويوم سكرته سمعتها .. تصرخ وتقول أنتي يا حيوانة .. افتحي الباب ..؟؟؟؟؟؟؟


انقهررررت ساعتها قــهــر .. انوكيف أنا كنت بدافع عن هالانسانه ؟؟

فعشان كـــذا يالقريشيه أنا عندي اللي تلبس عبايه على الكتف وتتلثم .. اهون من اللي تلبس عبايه على الرأس وتنافق وتتصنع الاحتشام ..

أنا بتحجب عشان ربي ولا عشان الناس ؟؟؟

وآســــــفـــــــه على طول ردي .. بس اني كنت معصبه من بعد هالموقف .. وأثر في نفسي كثير ..