مهجة

بيانات اضافيه [ + ]

رقم العضوية : 34218  تاريخ التسجيل :  05 2011  أخر زيارة : 15-10-2013 (01:09 PM)  المشاركات : 150 [ + ]  التقييم :  10

لوني المفضل : Cadetblue

مص الاصباع!

السلام عليكم
بنت اختي تمص اصباعها من صغرها وعمرها الان 7 سنوات كم مره امها حاولت تمنعها بس مافي فايده وصارت تتلحف وتمص اصباعها عشان محد يشوفها
وورتها صورة وحده مشوهه اسنانها قالت لها اذا استمريتي تصيرين زيها
اختي تعبت حاولت تفهمها بس هي ماهي قادرة توقف
في البدايه كانت ماتقدر تمص الا اذا مسكت شرشف امها او بلوزتها المهم شي يخص امها
صارت اختي تشيل كل شي عنها وهي تبكي بس برضه مابطلت
وللان تبغى تنام عند امها ماتبغى تنام لحالها او مع اخوانها واذا اجبرتها تقعد سهرانه للفجر! وساعات نص الليل اختي تصحى وتلقاهم كله نايمين الا هي منسدحه ومتصلبه ماتتحرك بس تحرك عيونها, تحسبها نايمة بس هي صاحيه
وحتى اول ماتصحى من النوم بعض الاحيان ماتقوم بسرعه تقعد منسدحه بس تحرك عينها وتطالع في المكان وبعدها بفتره تقوم
ومره اختي تقول نص الليل صحيت ولقيتها واقفه عند راسي وسالتها ليش منتي نايمة؟ ليش واقفة عندي؟
قالت ابغى اشوفك, اخاف ماتصحين!! - يعني قصدها تموتين- ونفس الحركه يادكتور قالت لامها انها سوتها مع واحد من اخوانها الصغار وهو نايم
ومره لقتها تبكي ماقدرت تنام, كانت تتخيل اخوها ينخطف لانهم في نفس اليوم راحو يتمشون وهي تلعب معاه تركته في الملاهي لحاله ولقت بنات راحت تلعب معاهم
ايش السبب؟؟ مع انه اختي احس مره مو مقصره معاهم
مص الاصباع هل ممكن يكون وراثي؟ لانه كذا وحده في العيله كانت تمص اصباعها بس كلهم بطلو وهم مرره صغار الا هي
بالنسبه للنوم اضطرت ترجعها عندها بس ماهي عارفه كيف تخليها تبطل
وهل ممكن حالتها تأثر على نفسيتها او على شخصيتها يوم تكبر!؟ ولا فتره وتعدي؟

المصدر: نفساني