نفساني - عرض مشاركة واحدة

02-08-2011, 08:58 PM

اقتباس:

المشاركة الأصلية كتبت بواسطة مرافئ الشك

عايشه بحلم انا لمن اوقف للصلاة ماقدر اكبر ينعقد لساني اعجز اكبر لاني مانويت التكبير اقعد استحضر النيه ولمن اقر الفاتحه كل ايه اقعد شويه عشان اطلعا بسبب النيه ابجن من هللشي

مرافئ ..انت ما عندك وسوسه فى الوضوء قبل الصلاة ؟؟
ايش تقصدى بينعقد لسانك ؟؟
اسمعى منى انت بمجرد وضوءك للفرض هنا بستحضرى النيه نية الوضوء للصلاة لفرض العصر أو العشاء أو ..
بعدين التلفظ بالنيه بدعه .. يعنى تقولى بصوت مسموع نويت ان اصلى فرض العصر اربع ركعات ,, لا تتلفظى هى بقلبك النيه موجودة ولا بمجر سماعك الأذان وقيامك للوضوء هذا كله يكون بنية الصلاة للفرض الواجب عليك ..
وانتى واقفه ومتهيه للصلاة وقبل التكبير اتفلى عن يسارك ثلاثا واستعيذى بالله من الشيطان الرجيم ,,
وكبرى بصوت مسموع لك وقرئ دعاء الإستفتاح واستعذى بالله ثم أقرئ البسمله ..
وياريت تقرء سورة الناس والفلق والإخلاص كثير فى صلاتك وغير صلاتك يعنى تعملى بالتحصينات صباحا ومساء ,,
وانتى بتصلى ياريت احد يصلى معاك اختك امك حتى لو طفله صغيرة عمرها 7 سنين ,, إن استطعتى
واقرء بصوت مسموع لنفسك وكل ما شعرتى بوسوسه اكيد انتى ما راح تقدرى تطنشى لانها بتكون ثقيله فى قلبك لكن انصحك اترك الأمر يعنى بتسمعى الوسواس يقولك ما نويتى لا تعيدى ابدا مهما كان الزن كثير فى أذنك ولو قالك ما قراتى الفاتحه لا تعيدى اركعى ع طول وراح تلاحظى انه راح يحاول يدخلك من مدخل ثانى صليتى ركعه مو ركعتين ما اتشهدتى فى الركعه الثانيه وهكذا لين يشعرك بثقل الصلاة دى عليك ويفقدك التلذذ بها ومناجاة ربك
عشان كدا انصحك من قلب محب لك الخير الزن الى بتشعرى فيه فى قلبك وأذنك لا تلقى له بال اشغلى نفسك لانه حتى بعد ما تنتهى من صلاتك يجلس وراك يزن عليك تعيدى الصلاة فإن استجبتى فالله يعينك راح يستمر معاك لكن استعيذى بالله من الشيطان ووسوسته وهناك آيات معينه لك بإذن الله على التخلص منه واكثرى من قراءة القران هو العلاج والوضوء ..
واعلمى انه ليس له سلطان على الذين ءامنوا وعلى ربهم يتوكلون ..
"إن عبادى ليس لك عليهم سلطان إلا من اتبعك من الغاوين "أيه
والدعاء لا تنسيه ابدا ونحن فى رمضان بذات أكثري منه فهو سلاح المؤمن ومخ العبادة ,,
أسأل الله لك النجاة والمعافاة فى الدنيا والأخرة اللهم آآآمين,,