|
اتمنى منكم مساعدتي لاحرمك الله الجنه في هذا الشهر الفضيل
السلام عليكم ورحمه الله وبركاتة
ياااخوان تكفون الي يقدر يساعدني لايقصر ولله اني في حاله صعبه جدا
انا دايم تجيني افكار في الله والصلاه والايمان ويصيبني ضيق منها واحس ان الله غضبان
علي وان الي يصيرلي عقاب في الدنيا قبل الاخره
وكمان لمن اجي اصلي احس اني ماابي اصلي واذا تعبت نفسيتي مره اصلي في البيت
وحتى لمن اصلي احس اني مااصلي لله يعني ماستشعر العباده ويجيني ضيق في صدري
وماااقدر اركز في الصلاه ولا في موضوع السجود وان نظراتي على اليمين وعلى الشمال
يعني اي احد يمر من جنبي احس كاني اراقبه وانا في الصلاه مااقدر اركز في الصلاه
ولله تعبت من حالي مااحس براحه في الصلاه ولااقدر اخش فيها كمان لمن يصلي جنبي احد
احس اني اناظر فيه وماااقدر اركز في صلاتي حتى في الركوع والسجود ولله حالتي مره
تعبانه ابي اعبد الله باخلاص وابي رضاه عني وابي ادخل الجنه ياااخوان تكفون
ساعدوني ولله اني اغلب اوقاتي اروح انام حتى لو مافيا نوم من التعب الي في نفسي
واتمنى الموت ولله اني احس ان حياتي مظلمه ودايم معايا قلق وضيق و واحس باتانيب
الضمير وانا كل مااشتغل في وظيفه يجيني التعب الي قلت لكم واتركها
وانا لي تقريبا خمس سنوات على الحاله هذه بس بدات بالتدريج والظاهر قبل
سنتين او ثلاثه اشتد الوضع على ماهو عليه ولله ياااخوان كنت قبل هذه الحاله طبيعي
ولله الحمد واحب الصلاه والمسجد ومرتاح في حياتي استخدمت الرقيه الشرعيه
والادويه النفسيه ومستمر عليها الاثنين وبرضو حالتي زي ماهي
تكفون الي يقدر يساعدني لايقصر ومن فرج على مؤمن كربه فرج الله عنه
من كرب يوم القيامه
|