smile4life

يوميات عزوبي في رمضان

حكايتي اني من سنتين وانا احلم اذا جانا رمضان
اسوي سمبوسه على شكل مثلث اتفشخر بها قدام الشباب في العزبة لكن للاسف يا تطلع شبه منحرف والا متوازي اضلاع والا هاه اللي نظره لك عليه يقول عنها مثلث ولما تطب في الزيت ما تشوفوا الا اللي في داخلها منثور يطفوا على سطح الزيت ما يذكرني الا بمنظر الناس في المحيط لما تحطمت تايتنيك. ومن كثر من نشوف الكلام الفاضي حق الامريكان قلت حتى انا اللي فجر السنبوسة بن لادن. الله يحفظه .والحين وبعد ما كتب الله علينا طول السنين اللي راحت من تقطيع اصابع وحنا نفرم الحشوه وحروق سطحية وبعضها يرقى للدرجة الثانية واصابع متفحمة كانها اصابع كباب مو اصابع انسان قررت اني ابطل منها خيرة اصلا يقولوا الزيت اللي فيها يجيب كليسترول مهيب زينه . لكن بي وجعن ثاني اموتت في شي اسمه شربه والله وكيلكم لي يومين هالحين اول يوم يو صبيتها ورحت اجيب المعلقه قعدت افكر هذي شوربة والا سيريلاك بالقمح ما ادري وشلون طلعت هذا وانا استخدمت مرقة الخروف بصلصة الطماطم حقت ماجي بس البخت طايح طايح . واليوم قلت ازود الموية ولما زانة وطلعت ريحتها والا يا كافي انه والا منيب قايل لا اكرهكم فيها بس الواحد لا زكام . والا اقول منيب قايل
الحين انا اشارك في المسابقة حقت الموقع قلت عل يجيني شماغ المراسيم مو علشان البسها قلت بس ارميها عليكم واقول تكفون يا بنات ويا عيال الحلال احسن شايفين ولد ولد ليدز ات فيرست و التماسيح ات سكند . الحين العلم ابي من اللي تعرف تسوي شربه ولو اني اشك في ان البنات يعرفوا لكن املي في الله ثم فيكم يالشقردية العزوبية الخبراء تشوفوا لنا طريقة سهلة
والا تدلونا على مسجد طيب هنوده قليل لا قعدت مع الهنود ما تدري سبحان الله وش اللي على الكنافة شيرة والا زيت دابر
ودمتم

المصدر: نفساني