نفساني - عرض مشاركة واحدة

09-06-2003, 06:25 PM

بسم الله الرحمن الرحيم ...

معليش ابيكم تتحملوني علشان انا مقهووووووووورة على الآخر ...

رحت هاليومين لعيادة للعيون علشان افحص وتوقعت يصير الكشف غالي لان الدكتورة مو اي دكتورة ... فلما وصلت للاستقبال قالت لي الموظفة ادفعي 350 ريال الحين (( مبدئيا )) وبعدين ممكن يزيد المبلغ حسب الحالة .... عطيتها 400 وقالت يبقا لك 50 ريال نتحاسب وانتي طالعة .. صراحة انا قلت في نفسي كم بيزيدون علي كم يعني ..؟؟ مية بالكثير اذا زادت ...دخلت وسووا لي كل الفحوصات المبدئية الروتينية ( قياس النظر - ضغط العين - اختبار عمى الالوان - اختبار الجفاف - اختبار مجال الرؤية ) ...

بعدين دخلت عند الدكتورة وعملت لي قياسات اخرى ... وفحصت الشبكية ..وقالت تجين بكرة علشات افحص الشبكية مضبوط . وعطتني قطرتين علشان حساسية العين .....وبعدين دخلوني عند دكتور انا ما طلبت ادخل عنده علشان يفحص النظر واكتشف ان عندي انحراف وقال تجين بكرة علشان نفحص العدسات ... طلعت بره للاستقبال وقالت المجموع الكلي 1100 ريال ... باقي لنا 700 ريال .... موووووووووو معقوووووول ... وش سووا علشان تاخذون زيادة هالمبلغ ؟ ....

بعدين لما ركبت السيارة جلست اشوف الفاتورة المفصلة .. لقيت انهم حاسبين علي كل جهاز حطوني عليه بخمسين ريال وكل فحص يدوي بخمسين ريال ... لا.. وازيدكم من الشعر بيت ... القطرة اللي عطوني اياها وحدة بـ 30 ريال والثانية بـ 35 ريال ..ولما كشط زوجي على العلبتين ( علشان كان عليهم مزيل ) ... لقى وحدة مكتوب عليها 19 ريال , والثانية مكتوب عليها ( عينة مجانية غير مخصصة للبيع ) ...

دفتر حق اختبار عمى الالوان قلبوه قدامي بـ 35 ريال ليييييييه ؟

زوجي جلس يدردش مع شايب كان في غرفة الانتظار قال : جيت اول موعد 350 ريال .. والثاني 250 ريال .. والثالث 250 ريال .. وبعدين قالوا لازم لك عملية بعشرة الاف ريال .. ودفعت وسويت العملية .. وبعد العملية جيت موعد ودفعت 250 ريال حق الكشفية وفي نفس الموعد اخذوا 300 ريال علشان ايش ؟ ... علشان يفكون الغرز حقت العملية .. اجل العشرة الاف اللي اخذتوها وش حقه ؟

ما اقول الا حسبي الله ونعم الوكيل صار الطب تجارة ....

انا عارفة اني ادوشتكم بس من لي غيركم افضفض له ؟a:

:6

المصدر: نفساني