نفساني - عرض مشاركة واحدة

11-08-2011, 06:19 AM

اقتباس:

المشاركة الأصلية كتبت بواسطة المعتصمه بالله

الله يشافيكي ويشافيني ويدفع عنا وعن كل مسلم شر البلاء
طيب ممكن اعرف من متي بدا معاك الوسواس وشنو اللي سبب لك الوسواس ؟!
اليوم علي السحور اتصلت ابنت عمي بي وكانت تقول الو بطريقه مخيفه فخفت ان يكون فيه شي حسيت بحراره بجسمي ونبضات قلبي تسااارعت جداً لدرجه احس ان القفص الصدري كله بينبض بيصير معاكم زي اي شي بيرعبكم ؟!؟
?

اختى انا بدء معايا الوسواس من شهرين ونص تقريبا وكنت قبلها بايام بدأت التزم واحافظ على كل العبادات وفجاءه حصلى انخفاض فى الضغط وهبوط قلت خلاص ده الموت بس نمت ليلتها وطنشت الفكره وفضلت ادعى الله واقرء قراءن لحد مانمت بعدين حسيت برهبه وخوف شديد تانى يوم وبدأت ابحث فى النت عن الضغط ومن بحثى عن الضغط بدأت ابحث عن الامراض ثم احساس الميت بموته ثم وسواس الموت لحد ماكبرت فى دماغى الافكار وحبست نفسى فيها وبدء الوسواس يقولى انتى كنت بتعبدى ربنا ومتقيه الله عشان هيحصلك شئ ده انذار من الله ده حقيقه وواقع اكيد بيحصلك شئ فقدت شهيتى وكرهت كل حاجه غير احساس الخوف الى كان ملازمنى 24 ساعه والحمدلله اتعرفت على المنتدى وعرفت حقيقه مرضى وانه وسواس قررت اقف وقفه جاده مع نفسى قلت اروح لطبييه تساعدنى رحت وصفتلى ادويه من اول مره ماحبتش اخدها بعدين قلت اعتمد على نفسى حولت اكتر من مره كل مره كنت بفشل بس كنت بستفيد من فشلى وعرفت نقط ضعفى وعرفت اكاذيب الوسواس وياما كتبت مواضيع كتير كنت فيها فى قمه اليأس الحمدلله الذى غير الحال لافضل المهم قررت اروح لدكتور يعالجنى سلوكى وفعلا رحت وطلبت منه عدم اخذ ادويه وبدأت بنفسى اهم شئ قدره الله وقدرتى انا تقربت من الله اكثر وبدأت اكتب فى ورق كل افكارى السلبيه واحاول اتخلص منها واقنع نفسى ان الموت لو جانى ماحدش هيقدر يمنعه عنى واقول لنفسى لو ده انذار من الله ماكنش هيعطلنى عن حياتى والعمل فى الحياه لان الله ماخلقش حد ليعذبه واقنعت نفسى انها اوهام ساعدت نفسى الحمدلله اتحسنت افضل من اول اقدر اقولك بنسبه 70 % بتجينى افكار تانيه وبالاخص لما اقرء مواضيع عالنت سلبية بتتعبنى وبطبق الافكار على نفسى بس الحمدلله بتماسك بسرعه وبرجع عن افكارى بطلت اشكى لاهلى كنت الاول كثيره الشكوه عن الوسواس اى فكره بتجينى بعمل ليها تجاهل ومش بناقشها حتى بصى حبيبتى استعينى بالله وكمان عندك برنامج الخبير انا نصحتك بيه ولله انه برنامج فعال مره فى مره هتتخلصى من وسواسك وانا بحاول وان شاء الله هقدر اتخلص منه نهائيا عندى امل فى الله واى استفسار بأذن الله انا حاضره