يسعد صباحكمـ X مسائكمـ

دايم اسمع من نفسي او من احد ثاني .. ان الحياة قصيره ..
ممله .. قاسيه .. وغيرها من الاوصاف السلبيه ..

صار من النادر اني اسمع احد يحمد الله على شي .. او يذكرني
بحلاة الحياة من تفاصيلها ..

صحيح ان الدنيا فانيه .. ولكن هذا مايعني اننا نكرهها ..
فقررت اليوم افتح هالنافذه عشان نذكر بعض بحلاوة الحياة ..
وأفضال ربي علينا .. _

كل اللي عليكم توقفون لو للحظه باليوم .. تتأملون حياتكم .. وتقولون لنا
تفصيل تحبونه !

أو تشاركونا باقتباس , قصيده , أي شي يجدد التفاؤل ..

ابدأ انا :

احلى شئ بحياتي كان يوم زواج اخواتي و الله شعور لا يوصف خصوصا
يوم زواج اختي الكبرى بعدما يئست عن الزواج كل مايتقدم حد لطلب ايديها مايرجع و انا كنت حاسس فيها
كانت تبكي بس بصمت و كانت دايما تقول ماراح اتزوج ابدااا و الله كانت تقطع قلبي و كنت دايما ادعيلها بالزواج
و الحمد لله اختي بدت تقوم الليل و تقرا قران و خصوصا سوره البقره بنيه الزواج لحين هي متزوجه و عندها بنوته حلوه ماشاء الله
و بعد زوجها صالح و يعاملها كالملكة يوم عرسها قضيتو بكاء تهئ تهئ كنت فرحان لابعد الحدود و بعد زواج اختي التوام من كام شهر
فرحت لزواجها لانها تستاهل بس زعلت لانها توامي و ماقدرت على فراقهاا بس سنة حياة هاي اهم ذكرى بحياتي و خلوني ابكي من قلبي
و في ذكريات ثانيه يوم ماانجح و ابشرهم في البيت كانو يفرحو و بعد بفرح لفرحهم
و انتو شو الاشياء اللي فرحتكم

خلنا نسمى الموضوع...

دعوهـ لــ أبتسامهـ.../دعوهـ للتفاءلـ....!!!

يلا تفاءلوا وخلونا نتفاءل معاكمـ..

يلا ابتسموا وخلونا نبتسمـ معاكمـ...