|
للمختصين يدخلون لازم تساعدوني بارك الله فيكم
السلام عليكم ورحمة الله وبركاته
حقيقة اظن اني اكتشفت شيء فيني وهذا الشيء يحتاج لخبراء نفسيين حتى يعرفوا مشكلتي
راح اكون واضح معكم في كلامي وما راح اخبي شيء عنكم ان شاء الله وانا متأكد اني راح اطلع من هذي الدوامة لا طالما وجدت دكاترة يعرفون يفكون الشيفرات المعقدة الي ممكن تكون سبب في تعاسة هذا الشخص او اختلال في المخ ومن هذا القبيل
انا من زمان اعاني من الخوف والوسواس من يوم كان عمري 6 سنوات او 7 خلوني اعلمكم انا ايام الطفولة اذا كنت سهران وامي او ابي شافوني صاحي يخلوني ارقد بطريقة تخوفني مثل ليش ما تنام تبغاه يجيك وحش وكذا وانا اخاف واروح انام لكن اقعد افكر بالوحوش ووسواس يذبحني يقولي طالع في السقف تشوف شيء يشبه الضب وهو كبير انا اطالع واقول فعلا مثل الضب واتلحف بالبطانية وانا خايف مرة مرة اجلس حول ساعة الى ساعتين على ما انام
ومرة في الليل كلنا كنا بننام طفينا الانوار ونمنا حسيت بطفش شديد جدا جدا ومحبط وانا عمري 7 او 6 والله ما اذكر فجأة قمت ابكي واصرخ بدون سبب
واقول كلام غريب وكنت امسك صدري وابكي اظنها هلع من يوم كنت صغير وداني ابوي المستشفى نوموني يومين وما كان فيني شيء حتى الدكتور يقول سليم
ومرة قالي اخوي الكبير تدري ان الغاز ينفجر لازم ننتبه له ونسكره ومن هذا القبيل انا صرت اخاف من الغاز وانا عمري كان 8 في ذيك الفترة ان ما خاب ظني
المهم امي وابي راحوا الشغل انا واختي كنا نبغى نروح معهم لكن رفضوا وخلونا لحالنا وكنا نبكي بعدها رحنا نبغى ننام قمت اسمع صوت هواء قوي وانا اقول اكيد انه الغاز واروح اسكره بعدين رجعت وانا ارتعش خوف ووسواس يقولي الغاز مفتوح ويمكن ينفجر وانا ابكي واروح اقفله وهو مقفل لكن ما ارتحت
واقول اكيد انه الغاز والجو صار غريب مثل الحلم في ذيك الليلة وانا اقول يا الله وابكي ويقوم اخوي من النوم ويقول وشفيك قلت له صدري وابكي قالي روح اشرب ماء ونام قلت طيب وبعدين شربت ماء ونمت غصب خايف وحالتي حالة ذيك المرة ومن بعدها صرت اوسوس من الغاز اخاف لا ينفجر صرت اخاف من كلمة غاز حتى لو اشوف واحد معه غاز اخاف وبعدين كبرت صار عمري 12 وصرت لازم اتأكد حوالي 5 مرات ان الفرن والسرندل مسكر يعني اروح انام وما ارتاح الى اذا شيكت عليه مرة ثانية وكذا لمدة 5 مرات او 6 الين ما استوعب انه مقفل
كبرت ونسيت الحين صار عمري 19 سنة وصار عندي وسواس موت وكلها موت مثل اول كان الغاز الحين صار الموت وانا عارف انها تاخذ وقت على ما تروح لكن الله كريم طبعا كان عندي قلق وانا في عمر الـ19 وما كنت ادري انه قلق وهذا القلق يجيب لي كسل وبعدين اشتغل وسواس الموت وما كنت اخاف
وبعدين جاني هلع وزاد معي الوسواس وصرت اخاف من الموت مثل ما كنت اخاف من الغاز وصرت لازم اروح الصيدلي حتى يشيك على نبضي والضغط ويقولي طبيعي حتى ارتاح وانام يعني عندي وسواس متنقل واظن وسواس الموت كان سببه اني كنت اشاهد مقاطع الموت وبعدها جاني هاجوس وقالي انت بتموت يعني لما كنت اشاهد مقاطع الفيديو كنت تحت ضغط نفسي عالي فأي شيء مستعد يصيبني بالفزع لذلك الهاجوس فعل فعلته ونجحت خطته واظن انه من الشيطان حسبي الله عليه
المهم رحت عند نفساني صرف لي ادوية واستمريت عليها 3 شهور ورفعوا لي الجرعة المهم تخلصت من الهلع بالمرة والخوف صار عندي خفيف مرة صرت انام لحالي وصرت انام في الظلمة والوسواس باقي لكن اخف من اول بكثيررررررررر
لكن الي ذبحني الحين الخوف هذا امره غريب رغم انه عادي لكن مسبب لي احبااط في كل شيء مثلا اجلس على الكمبيوتر فجأة انحبط واصير تعيس وبعدين احاول اجيب افكار تخليني سعيد وغير محبط وانجح واستمر ساعة وانا مرتاح بعدين انحبط
وكانت نوبة الاحباط تجيني قبل الهلع لكن تاخذ وقت على ما تجيني تاخذ ثلاث اسابيع وتجي مدة دقيقة وتروح بالمرة ومصاحبة باكتئاب خفيف جدا ما يأثر بالمرة علي لكن الحين تستمر معي ساعات
ليش كل هذا يصير فيني هل ممكن يكون وراثة او اختلال في المخ او في الاعصاب انا اشك بعد ما اتخلص من وسواس الموت بأنتقل بعد كم سنة لوسواس ثاني اتمنى الاجابة وشكرا
|