عنابة

بيانات اضافيه [ + ]

رقم العضوية : 34739  تاريخ التسجيل :  06 2011  أخر زيارة : 07-09-2011 (09:38 AM)  المشاركات : 13 [ + ]  التقييم :  10

لوني المفضل : Cadetblue

بارك الله فيك دكتور
بالنسبه لموضوع الرغبه انا ذكرت لك اني جلست معاه جلسه بعد مشكله حصلت وبدا يطلع كل الي مضايقه ومزعجه
لأنه بالعاده ما يتكلم أبداااااا
وكان من الأشياء الي مضايقته وايد بروده وانا قتله انا ماشتكيت والواحد لازم يصبر
لكنه متأثر من هالناحيه خصوصا انه في السابق كان يطلع كل همومه ومشاكله وينفس عن نفسه عن طريق الجنس
لدرجة ان هالموضوع عنده أهم من انه أكل او لا
فالحين مع عدم قدرته لهالشي مأثر فيه وايد
وانا قتله لازم نتحمل هالفتره علشان نرتاح باقي حياتنا وانا معاك وبنلقى خير
انا خايفه مايستمر مع الدكتور والعلاج اذا شاف هالدوا مأثر فيه لهالدرجه !
واهو قال خلاص ماراح آخذ العلاج دام يسوييلي هالضعف
بالنسبه للأدويه ،،، انا الآن اعطيه الدوا من غير لا يدري وصعب علي اغير او اعطيه زياده !
دكتور،، انا لما شرحت حالة زوجي لدكتوره في البدايه وقالي في اضطراب ثنائي القطب قالي مع العلاج راح يتحسن
الآن لنا 6 اشهر على العلاج لكن ما شفت من العلاج إلا انه ينام اكثر وصار اكثر كسل !
بالعكس قبل العلاج كان تييله فترات حيوي وسعيد ونشيط ومتفائل وبعدها يقلب وتييله فتره الانطواء والانسحاب ويتركني
بس كانت فتره ويرجع
الآن مع العلاج ما اشوف فيه تحسن !
شنو الحل ؟! دكتور حتى اهو يحس بهالشي
انا من كثر ما احاول معاه واتحايل عليه علشان العلاج تعبت نفسيا !
هو الآن حتى امه تركها وانعزل عنها ولا يطلع من البيت الا للشغل فقط
وكان مواظب على صلاته من تزوجته الآن ترك صلاة المسجد وصار بس ينام ياكل ويرجع ينام
فللأمانه ما اشوف إن العلاج لا فاده ولا فادني !


واعتذر عن الإطاله