نفساني - عرض مشاركة واحدة

15-06-2003, 02:58 PM

السلام عليكم ورحمة الله وبركاته, وعليكم السلام ورحمة الله وبركاته ,بسم الله الرحمن الرحيم, صلى الله عليه وسلم, شكراً لك اخي الكريم على هذا المقال كيف حالك أخي الكريم ؟ كل عام وانت بخير ألف مبروك .. لقد سعدت بهذا الخبر الحمدلله والصلاة والسلام على رسول الله وعلى آله وصحبه أجمعين
((حركااااااااااات والله حلوه....))

المهم

فتحت الكمبيوتر وأنا راسي يوجعني ,لأن صديقتي(( الله ينـجحها ياربي ))تبــيني أطبعلها معلومات عن كاتب انجليزي تقول يمكن يجينا سؤال في الإختبار عنه ...
وأنا اللي أدخل الموقع حق الكاتب هذا , إلاّ وتطــلعلي عشر صفحات معلومات عنه ,وياحلاوه قام بطني يمغصني ((ألا ياللي مذاكرته)) .. وأبد أطبع وكل ورقه تطلع من الطابعه أحس قلبي بيطلع معها ...وأقوم أمسك قلبي قلت: اسمع أنا (( منيــــــــب)) مذاكره ذا الأوراق خلاص لاتقعد تصجنــي ..أفففف
وبينما أنا جالسه أستـــنى الأوراق قلت :إلا ورى ما أعرج على نفساني أشوف وشخبارهم وش الدنيا بهم ....
واكتب اللنك........ WWW.nafsany ويطلع الموقع ....بس مايشبه منتدى نفساني..شكيـــت وقلت: ألحين وش جابني أنا فيذا ...أنا أبي نفساني ..وأغلق الموقع وأدخل الرابط من جديد وأنا أتهجــّى __w ...w ...نا ..فا...سا.............الخ
ويطلع لي موقع لونه بني غامق ..قلت لاحول الله وشفيه ذا الكمبيوتر خبط ..وين المنتدى راح أخاف بس إن الجماعه نقلوا ولا اعتزلوا النت ..
خلاص قمت بأطفي الكمبيوتر إلا وأختي الصغيره قاعده تتهجى الشاشه ن.ن ن .ف. ف .س ...........قلت لها : هيه لاتكونين تقصدين نفساني ...قامت وألقت نظره على الشاشة ورجعت تناظرني :قالت : إيه صح نفساني وش دراك !!!...قلت : وينه بسرعه لي ساعه أدور عليه ..ٌقالت : هينا قدامك في الشاشه ...وأرجع أناظر الشاشه قلت: تلعبين علي مافي شئ مافي اللي أشياء وكتابات لونها بني وبني وبني ...قالت إيه اقري الكتابات ..
ببببببببببخخخخخخخ ياحليلي لقيت مكتوب منتدى نفساني بس بالبني ...لأني بصراحه متعودة على منتدى نفساني باللون الوردي .....طيب شكرا يا أختي الصغيره
وأروح للقائمه وأنا أقول وش قلب المنتدى بني ...المهم رجــعت الخلفيه وردية .قلت الله يازيييين الشمس لين طلعت ...
المهم وأدخل المنتدى العام ...بس لقيتني في منتدى الساحه الإسلاميه قلت : هااع وش القصه ألحين ...وشذي الساحه ماكانت فيه ...يمه يالميا أكيد بديت تخرفين من التعب ...وأنادي أختي قلت : تعالي شوفي وش السالفه ...فهمتـني وقالت :لاعادي ماخرفتي يالميوه هذي ساحه اسلاميه في منتدى نفساني ...
قلت : أشوه ...
المهم في موضوع(( تنبــيه)) لنفساني ..قعدت أقراه وقلت والله مهم هذا الموضوع خلني بأكتب للرفع عشان ماينزل ويروح ...المشكله إنه((((( مثبـــت)))) ...وأنا عارفه إنه مثبت ..بس الهستره ..وأضعط على اضف الرد عشان بأكتب للرفع ..ومير تطلعلي رساله المنتدى أنت عضو غير مسجل يعني ضف وجهك مالك حق تكتب ...وأنا اللي أقول لاحول ولاقوة إلا بالله ماهقيتها منكم يانفساني تطردوني ...أنا قلت أبي إجازة مهوب طردة ....
قمت عاد خلاص بأطفي الكمبيوتريقالك زعلانه ..قالت أختى طيب اكتبي رقمك السري يمكن ..قلت : بس ياغبيــي إيه صح لازم أسجل دخول بببخخخخخ ..
واكتب اسم العضو :لمياء وأنسى الرقم السري ...وقصة طووووووووويله لين لقيته جربت أرقام الدنيا كلها رقم جوالي ,ورقمي الجامعي ورقم تلفون البيت ورقم رصيد أبوي ورقم بطاقة الصراف ورقم حفيظة النفوس وجواز السفر ورقم هرفي وبيتزا هت وماخليت رقم في الدنيا ماحطيته ..ومع ذلك ماتسجل دخولي(( الحمد لله ياربي ماجاني هاكرز ولا كان ضاع مستقبل العائله ببببببخخخخخ)) ..قلت أففف خلاص مليت بأطفي الكمبيوتر ...وصدفه لقيت الرقم السري محفوظ في جهازي وصار (( رقم عشوائي )) الحمد لله بس ...وحطيته وأخيرا طلعلي أهلا بكِ لمياء في منتدى نفساني ....
عاد بصراحه ماكان في راسي شئ بأكتــــبه بس كذا كنت بأدخل لقافه ...بس قلت والله عقب هالحوسه وقلبت الراس والله ما أطلع إلا وأنا كاتبه شئ ...ولو شخابيط شخاميط المهم أحلل هالحوسه اللي قلبت راسي وكبدي وبلعومي
قلت بس ما بدهاش (( شخابيـــــــــط مهستره ))...
وياويل اللي بيـــحذفه ...ولاّ ينقله ....ولا يلمسه ....ياويله

المصدر: نفساني