|
احبائي ابغاكم تساعدوني في ضيقي
السلام عليكم ورحمة الله وبركاته
كيفكم اعزائي واخواني الكرام اعضاء منتديات نفساني الذي ادتني روح وامل في ان حياتي سوف تتغير بعد الدخول لهذا المنتدى ومساعدتكم لي
انا اليوم او في هذا الموضوع بذات جايكم توقفو جنب قلبي وتساعدوني وتبعدو ضيقي الي كل يوم احس اني اسوء اكثر من ده الضيق
حبايبي اكيد كل واحد فينا مر بتجارب الحب وحب وعاش جو الحب لكن احيانا بتتعسر الامور وبتكون ضيق واختناق وعدم راحة وبسبب فيه مشاكل بين الطرفين
او شك او لسمح الله وسوسة والاكثر عندما تكون بينكم بناء مستقبل اسري فيما بعد .
والي فيني حاب افضفض فيه واحتاج يدكم تكون معاي اخواني انا حبيت وحدة لي مايقارب سنة ونص وقد نويت على خطبتها وخطبتها والحمدالله ولكن فيه شيء تغير بيننا من قبل الخطوبة بفترة والى اليوم
وهي ان البنت صارت غير اول صارت تكلمني قليل واحيانا اتصل ماترد ولما اجي اكلمها تقلي مافيني شيء انا تمام بس اني مشغولة مع الاهل في البيت كنت متعود اصحى وانام معاها لكن صارت اليومين دي تنام
بدون ماتقلي بديت احس بضيق ليه تتصرف معاي كيذا رغم اني مازعلتها ابدا بس قلت لها اني تشد اعصاب راسي لما افكر وقالت لي انا مااحب اخليك تفكر وتركتني التركة دي معقولة يكون تصرفها عشان ماافكر كثير
وتبغى راحتي او مشغولة في نفس الوقت رغم اني مااقصر معاها اهديها واعطيها الي تبغاه طيب كيف اتاكد انه ماورها احد غيري او فيها شيء . ساعدوني في حلول عشان اطمن واكون مرتاح نفسيا وماني مضايق صرت
اضايق كثير وكمان احيانا لما اجي اكلها لما تكون مضايقة تقلي مافي شيء وهي مضايقة واحيانا تقلي خليني ارتاح واقلك بكل شيء طيب انا ليه ماني راحتها ولا ايش انا تعبت من التفكير وسرت اضايق كثير وجيت افضفض هينا عشان تساعدوني وتبعدو الضيق عني .
اسف على الاطالة ولكن ارجو الرد والمساعدة ومد ايديكم لي .
ki8ds4
|