وين الحل

بيانات اضافيه [ + ]

رقم العضوية : 34538  تاريخ التسجيل :  06 2011  أخر زيارة : 29-09-2016 (07:53 PM)  المشاركات : 122 [ + ]  التقييم :  10

لوني المفضل : Cadetblue

هل أنا رهابي ؟؟

السلام عليكم و رحمة الله و بركاته







اخواني اخواتي:
انا راح اشكي لكم مشكلتي على امل ان اعرف نوع المرض و علاجه
المشكلة اللي معي عانيت منها لمدة 11 سنه تقريبا
مع العلم انه قبلها كنت انسان سليم
مشكلتي بدأت معي سنة 1421 هـ
و قتها كنا مسوين ملكه لاختي في بيتنا
و كانت ملكه صغيره يعني اهلي و اهل العريس و بعض الجماعه
انا كنت متعود اني اصب القهوه للضيوف دون اي مشكلة
لكن بذاك اليوم صار لي شئ قلب لي حياتي الى يومكم هذا
يوم دخلت اصب القهوه لهم يدي اليمين بدأت ترتجف و انا مستغرب من وضعها !!
فلما لاحظت الرجفة حطيت الدله و الفناجيل و خليت اخوي الكبير يصب بدالي
و توقعت انها مجرد حادث بسيط و ماراح يتكرر
جاء بعدها العيد و كنت فرحان فيه جدا لانه بيزورونا ناس و نزورهم كمان
في صباح العيد جونا ناس و كان لازم اصب لهم القهوه و رجعت لي نفس الحكاية
و مواقف كثيرة نفس السابقة
المشكلة الان ان حالتي بدات تتدهور
بالاول كنت اقابل الضيوف وارحب فيهم وماكان فيني اي خوف من الموضوع====الان مستحيل اسوي هالشئ الا بنهار رمضان علشان انا ضامن انه مافيه صبة قهوة

اللي زاد حالتي سوء عن اول
كنت بالمتوسط و الثانوي اوقف قدام الطلاب بشكل عادي واقراء قدامهم== الان حذفت ترم بالجامعه علشان برزنتيشن
بالمسجد لو جيت متاخر كنت اصلي (امام) بالجماعه الثانية== الحين صار لي موقف و كنت ارتجف بالصلاة و الان نادرا اصلي امام بالمسجد

الموضوع وصل لوفاة الوالد رحمة الله عليه
ماجلست بعزاه الا ساعه كامله فقط
و خفت اكمل علشان لا يجي احد و يقول صب القهوه
بصراحة ياخوان انا محتار من وضعي و حالتي
عمري الان 25 سنه و اللي مثلي اتزوج و اتوظف

و انا الحين شايل هم هالمرض و خوفي لازواج و لاهم يحزنون
في شغلة بسيطة نسيت اذكرها
انه اول ماحصلت معي الرجفة علمت الموضوع بعض اهلي من هم قريب مني و للاسف بدل اخذ الموضوع بجدية ,ما اعطوني اي اهتمام
و ليت الامر موقف على كذا صرت اسمع منهم عبارات تقلل من قيمتي لما ارفض مقابلة الضيوف

اتمنى اني اجد الحل منكم و المساعده
و على فكرة
هالعيد ماراح اعيد .... كالعاده للاسف

المصدر: نفساني