نفساني - عرض مشاركة واحدة - لكم دعوه بظهرَ الغيب ! الله يسعدكم دنيا و آخره ادخلوا :")

02-09-2011, 12:57 PM

اقتباس:

المشاركة الأصلية كتبت بواسطة من اكون !

السلام عليكم ورحمة الله وبركاته ,
اسعد الله اوقاتكم بكل خير ..
بإختصار ,
انا عمري 18 سنه / موسوسه لأبعد درجه حساسه خوافه !
من عشر سنين و انا اعاني من نوبات هلع وسوسه تروح وتجي على فترات !

الى ان نفذ صبري و صارت تجيني افكار تسلطيه و ملّحه علي بإنو هذا ليس وسواس بل أحساس اتخيل القبر وكيف بقابل ربي و اتخيل اهلي كيف يبكون علي " بعد عمر طويل لي ولكم "
و اي شيء اسويه لو ان شاء الله اضحك ف وجه الشغاله اقول : " اكيد بيقولون قبل تموت كان تبتسم وتضحك للشغاله "
اتفه الأمور ياناس افسرها موت , اتفه شيء ! اخاف من اي فرحه تجيني اقول اكيد بيصير مصيبه بعدها عشان كذا ربي بيفرحني قبل موتي..

الى ان نفذ صبري !!
ورحت عيادات الدكتور سليمان الصغير قبل كم يوم و قال لي فيك نوبات هلع و ساوس شيطان
وصرف لي السيروكسات سي آر ,
بديت فيه من 4 ايام حبه بعد الفطور ..
اول يومين ماحسيت بأعراض
من امس و انا مو طبيعيه , رعشه بشفايفي و اطرافي و خمول وتعرق و لما اتثاوب اشعر بالغثيان و الإرتجاع ..
خوف وقلق شديد .. اشياء تخوف ! احاسيس تلح علي مممممممره بأنو بموت هاليومين
تعبت تعبت
ريحوني الله يريحكم ويسعدكم اعراض الدواء طبيعيه اول فتره ؟
وكمان الإحساس القوي اللي فيني طبيعي ولا فعلا احساس
لإن بالعاده يجيني وسواس و ما اخاف مره لكن الحين من اول رمضان و انا عندي هالفكره بإني بموت قبل العيد ومن اول رمضان خايفه يجي اخر رمضان وبس افكر ومهمومه !
جاوبوا وريحوني
الله يعتق رقابكم من النار و المسلمين اجمعين امين يارب العالمين

السلام عليكم ورحمه الله وبركاته

انا يا امي انتي عمري 22 سنه

ومريت بنفس حالتك وتعالجت بالخبر بمستشفى سعد التخصصي الدكتور محمد صالح

والحمدلله بدات تتحسن حالتي
بعلمك اشياء تفيدك بإذن الله والله يخليك الله يخليك لاتهملين الكلام الي اقوله

اولا - السروكسات عشان ياخذ مفعوله يبيله من 6 الى 8 اسابيع عشان يمشي بالدم ويبدا بالتحسن

ثانيا - لاتفكرين بالوساس وياليتني مثل فلانه مرتاحه ومثل فلانه اشغلي نفسك تابعي مقاطع اليوتيوب المضحكه اختطلتي مع الناس

ثالثا - شوفي اقرب صديقه لك حيل حيل واعزميها كل يوم كل يوم تجيك

رابعا - متى ماجاتك ضيقه وخوف وساوس قومي تروشي وخوذي لك شور وتمكيجي وتدلعي واقعدي صوري نفسك (ادري النفسيه ماتسمح لك لاكن تنانسي وانسي وجربي )

خامسا - ابعدي عن الاخبار المخفيه و السئيه ابتعدي عن الافلام المرعبه المخيفه شوفي افلام جيم كيري وفنانين كومديين

سادسا - اختمي القران كل يوم بكل صلاه اقرإي 5 صفحات وقبل النوم اقري الي تقدرين عليه

والله يكون بعونك

ويشفيك ويعافيك واشوفك متزوجه وحامل وفي بطنك كتكوت يزنن مثلك دلوع وخواف ياخوافه هههههه

بقولك شي ..

انا مرضت وعانيت مرضا نفسي لدرجه اني اخاف اسوق السياره ولا احب ابعد عن امي وصرت اوسوس بطريقه التنفس وبطريقه البلع لدرجه اني صرت اتوهم اني بختنق وصدق يجيني ضيق تنفس نتيجه الـ الخوف

وكنت ما احتك في اصحابي وكسرت البلاك بيري حقي

قامت امي الله يعطيها العافيه سوت لي ملحق اعزم فيه اصحابي كل يوم وتطلب لنا عشاء وشرت لي اكس بوكس وبلاستيشن واي باد اشياء تشغل الذهن
((انصحك تشترين ايباد يونس وويشغل البال عن الوساس))

وكنت توني ماكل السروكسات والله يابعد راسي ماقعد الا 3 اسابيع الا انا مثل الحصان

اطلع واروح واجي وابشرك ناشب في حلق ابوي ابي سياره جديده حاط براسي لكزس ههههههههههههه

ورجعت لي الان حالتي لاكن جالس اقاوم وعرفتها وصرنا انا والنفسيه اصحاب يوم تعزمني على العشاء ويوم اعزمها انا

اعلمك شي ابتعدي عن المعاصي والاشياء هاذي

والاغاني لمده شهر كأ تجربه وبتشوفين الفرق

قبل لا تنامين استغفري مع تحريك شفايفك بالاستغفار

الييييين ريقك ينشف ونامي

انا كذا عالجت نفسي وانا ان شاء الله مابخليك كل يوم بتابع موضوعك وبساعدك وبصير لك اخت بعد ويش تبين اكثر من كذا رجال وقلبت نفسي بنت لعيونك هههههههههه

((اعراض السروكسات الغير مستحبه دايما يجيك دوخه احيانا غثيان و نبض بالمعده تحسين معدتك تنبض اجهاد تحسين نفسك تتعبين وكذا ضعف بالتركيز احلام مزعجه وقت النوم ضعف جنسي

وانتبهي السروكسات يخلي الواحد دوب لانه بيتارح بعد شهر ويصير دبدوب من الوناسه والفله
فـا سوي رياضه وشاركي في نادي ومن فوايد الرياضه تزيد هرمون السعاده

((شوفي الموضوع انا الي كاتبه لك بيدي وبتابع معاك الين اشوفك مثل الورده الحمره المشرقه ))

ادري واعرف وافهم صعب عليك تطبقين كلامي لاكن قاومي ويش بتخسرين لو قاومتي مو احسن من القعده والوسوسه جربي وقاومي افضل من جلوسك والوسوسه

ولاتهتمين بالي مايهتم فيك انا اعلمك

اي شي تبينه والي تامرين في انا اخوك محمد الشمري طالب جامعي

لاتستحين مني واطلبي واستشيريني انا كنت مريض نفسيا لمده سنه سابقا وتعالج وجاني الحين وتعالج والامور طيبه وكثري من مسرحيات طارق العلي فللللله

اتمنى لك الشفاء يالله يارحمن يارحيم ياعزيز ياجبار ياغفور يارحيم يامجيد يارب انك تشفيها وتبعد عنها السواس وتجعل القران ربيع قلبها ونور دربها وشفيع لها يارب

اتمنى ماطولت عليك لاكن ماهان علي اشوف بنت تدنن مثلك وبعمر الزهور تتإلم وتعاني وانا اقدر افيدك واروح واخليك والله لو اخسر عمري بس اساعدك

((واذا رحتي للدكتور قولي له هل من الممكن تصرف لي علاج لكسوتانيل هذا مهدئ جدا ممتاز جدا جدا ويريحك وويريح مخك واعصابك غريبه ماصرفه لك مع ان حالتك مثل حالتي وخوذي رقم الدكتور عشان الاستشارات واروجوك بليز ابعدي عن قوقل وخرابيط الناس لانك في مرحله نفسيه تتوهمين اي مرض واي شي وتقتبسين امراض واواهم الناس خليك عن خرابيط الناس ولاتبحثين عن الوساوس في قوقل معليك الامور بتزين وبتصير حلوه هذا كله مرض نفسي يجي للي ابتعدوا عن طاعه الله وزادت الذنوب عليهم

الله يشفيك يارب ويعافيك مودتي واشواقي لك ..
ww0dwd

حررره حذفت عليك ثلج