هلا وغلا اختي { غموض انثى } واخير طمنتيني عليك وشفت لك موضوع ومشاركه يمكن مو ذاكرتني بس من اخر موضوع كتبتيه فى هالقسم خليتني افكر فى امرك ودايم اسال عنك لانو موضوعك الاخير اقلقني بصراحه ومن بعدها ماشفتك متصله فى المنتدى او تكتبين بالقسم هذا \ عموما اختي غموض انثى .. انا حاس فيك مثلك بالظبط

كل العوارض عندك عندي .. وللحين ماستخدم علاج نفسي ولا حتى برنامج سلوكي وان شالله ناوي خلال الايام القادمه اني اتعالج ..

بس احب اطمنك واريح بالك وصحيح اني مقدم على علاج لكن بفضل الله قدرت خمسين بالميه انهي معانات بسيطه

رغم انه اعراضي اقوى من اعراضك .. ولا عدة اسباب ولا حلفتني بالله واسمحيلي على جراتي .. بس لازم احطك

فى الامر الواقع . وبالصوره . اذا انتي خايفه على التنفس واتوقع ويمكن اجزم بعد انك سويتي فحوصات للتنفس والقلب وقالوو سليمه

انا ياختي للان ادخن وصارلي سنين فما بالك لو جتني فكرة انو تنفسي بدى ينفذ ؟ انتي احمد ربك لاتدخنين والحمد الله مؤمنه وهذي كلها اعراض هلع .. وافكار ادري الافكار هي من تسبب ذلك ..

انتي اقضي عليهاا .. قضاء بعزيمه واصرار انا فى بداية امري مانام زين لكن بتجاهلي للافكار ووضع المضاد لها

بفضل من الله ارتحت راحه كبيره اعطيك مثال جتني فكره اني بموت الحين وفكره ثانيه رديف لها لامت بدخل النار بسبب معاصي مع ضيقة النفس وصداع فى الراس عنيف ودقات قلب سريعه وتوتر وقلق واتقلب على فراشي
وجتني فكره ثالثه هذي نهايتي هنااا .. اتووقف اقطع الفكره واجلب الافكار الاخره افكار ايجابيه غصب اجيبها

اقول هذي نوبه جتني قبل هالمره وماصارلي شي وفوق هذا احسان الظن بالله اتذكر اعمالي الصالحه

واتذكر انو الله رحمته وسعت كل شي واتذكر من قتل تسعه وتسعين نفس وتاب الله عليه

حنا ولله الحمد لا قتلنا ولا وصلنا مواصيل تخرجنا من دائرة الايمان

استبدلي كل فكره سلبيه بفكره اجابيه هي اختهاا

راح تلاحظين وانتي ملاحظه قبل هالمره انها راحت واختفت ولو ارجعت سوي الطريقه شوي شوي تلقينها تخف

وانا قريت لك رد تشاورين الاعضاء باكل حبوب سيبرالكس انا اقولك من الحين كوليها وانا راح احذو حذوك

لانو كثير اعرفهم ينصحوني فيها وتشافو بفضل الله ثم بارادتهم وبالاستخدام الدوائي ويمدحونها

وان شالله لاباس وطهور وطمنيني عليك ياختنا الغاليــه