نفساني - عرض مشاركة واحدة

11-09-2011, 11:47 AM

ki8ds4

السلام عليكم .,

والله مادري كيف ابدى ., وبالاخص احس ان ميؤؤس من حالتي , وفاشل أجتماعيا ودراسيا

فيني كآبه من الحياه ., وعدم المباله في اخواني وفي اهلي ., يعني احس اني غريب

الي قاهرني عمري ألان 23 سنه تقريبا ناسي 70 % من ذكرياتي ., واحس اني بدون ذاكره ورب الكعبه اني ما ابالغ واعاني بصعوبه لاحد ذكرني بشي أقعد استجمع بصعوبه

:

أغلب الوقت حاضن الاب توب بطريقه غريبه واقعد بالساعات على جنب واحد . وما اصدق اني ارجع طبيبعي احيانا لمده للاسف لا تزيد عن 4 ساعات وترجع لي اوهامي وعدم سيطرتي على نفسي احس ان راسي فاضي وما عندي افكار واحس اني مجنون فقدت اهليتي وعقلي واحس اني مكروه

كل هالاحاسيس جاتني بعد فتره حب برا السعوديه لما كنت ادرس بالخارج ., وللأسف لما صارحت اهلي بالموضوع لقيت منهم تجاوب في الباديه وبعدين رفضو رفض تام خصوصا انهم كانو معي برا يعني البعثه للوالد في احدى الدول ., وبعدها انطرمت حتى ما دافعت عن نفسي وعنها انها بنت ناس وكذا لا ., حسيت بالضعف وان كلمتي مالها اي معنى ., وبعدها حولت دراستي لكليه الاعلام في الامارات ., احس صعب اني اوصف الاحساس الي اعيشه بس بحاول اقرب الصوره ., يعني اكون داخل قاعت المحاضرات أحاول ما احط عيني بأحد واي واحد يضحك احس انه يضحك علي واحس ان الي ورا يسولفون عني ويتمسخرون علي الى ان اخرج من القاعه وانا شبه هالك ما اصدق اني ارجع لغرفتي بالسكن ., وما اقدر اركز بالمحاضره اي مثير خارجي يعني اي شي مهما كان تافه تختتلط مع بعضها في راسي زي كذا احس ان عاطفتي مسلوبه احيانا وترجع لي احيان ., واذا حسيت بالعاطفه اجلس ابكي لمده طويله ندم على ايام حبي وليش ما كانت هالعواطف عندي ., احيانا احس اني شبه البلكونه الي عندنا والمصيبه ان كل هالاحاسيس احس فيها

يعني المجنون على الاقل يضحك ولا يدري عن تصرفاته بس انا حاس اني مريض بس ما عرفت وش مرضي وعلاجي الصحيح ., ما اقدر امشي بالشارع واذا رحت اكون مضطر اجيب شي من البقاله اكون متخبط في مشيتي يمين ويسار واي سياره تمر اخاف منها احس انهم يناضروني وتكلمون عني او يتمسخرون عني اوهام غريبه وديني ودين اني ادخل مجمع في ناس كثيره احس وقتها بلخبطه في ذاتي وفي نفسي ومشاعر شاذه وغريبه مثل اني اضحك ضحكه سخيفه مالها دخل بالوقع الحالي .,

والمصيبه الحين ان ابوي رجع لبعثته مع اخوي الي اصغر مني علما اني اكبر اخواني والي يشوفني يقول هذا عمره 17 يعني بنيتي الجسمانيه ضعيفه ونحيف وزني ما يتعدى 52

وامي كل ما اصبح انت متى تبطل هالرباده الي انت فيها ؟ انت متى بتصير رجال وترجع تكمل دراستك ؟ انت عاجبك حبستك بالبيت كذا ؟

كل هالاسئله صرت اتوقع حدوثها يوميا وما تدري الله يهديها انها تزيد الطين بله في اسلوبها معاي مافي اي نوع من التعاطف حتى لو حاولت هي انا بنفر منها بعد ايش بعد ما صار عمري 23 سنه وعودتوني على اني اكون غريب ., ما ارتاح الى اذا قفلت غرفتي وشغلت اغنيه حزينه وقعدت اتأمل ., او اقرا كتاب بعيد عن اي مثير خارجي .,

وربي حياتي جحيم يعني لو اني مصاب بمرض عضوي كان احس انها اهون بكثير

ودي ارجع اكمل دراستي ., بس عارف اني ما راح اطلع بنتيجه لاني وصفت حالتي فوق لازم اكون مستصح عشان ارجع زي ما كنت ., من بعد السنه الثالثه ثانوي تغيرت حياتي 180 درجه وأتجهت بعد يأسي الى الكبتاجون والكحول فتره والحمد لله تركتها والحين ما اهدى وازيل واهوامي وياليته بعد يعالجها لا ., الفاليوم والروفرتيال .,

افكر بالانتحار احيانا كخروج من مشكلتي بالاول كان ما يتعدى تفكير بس الحين اذا زادت الضغوط علي وزاد مرضي اهون على نفسي واقول اذا مالقيت حل راح انتحر وفعلا يجيني راحه غريبه وادري انه حرام ., بس مدري احس باحاسيس غريبه جدا

انا مؤقن ان عندي اكتائب . بس احس مو هي مشكلتي الرئيسيه المشكله ما اقدر اقول الكلام هذا وانا عند الدكتور مدري ليه احس انه هو اساسا يكرهني اذا جيته اصلا معاه حق طريقتي مستفزه واحس اذا جلست وياه ينسحب من عقلي كل الي بقوله واحس اني فارغ داخليا وعواطفي مو معاي ., فيضطر يشخصني بالاسئله واتململ واخذ وصفتي واطلع وعلى هالحال لي سنتين .

المصدر: نفساني