|
( عضو دائم ولديه حصانه )
|
بيانات اضافيه [
+
]
|
|
رقم العضوية : 2744
|
|
تاريخ التسجيل : 10 2002
|
|
أخر زيارة : 30-12-2004 (03:20 PM)
|
|
المشاركات :
2,855 [
+
] |
|
التقييم : 10
|
|
|
لوني المفضل : Cadetblue
|
|
هذا درس لغير الناطقين بلغة اهل الرياض وضواحيها ........
هذا درس لغير الناطقين بلغة اهل الرياض وضواحيها
تسذا ... المعنى واضح يعني كذا ولازم تقولها وانت ماد براطمك لتحت
فيذا .... يعني فيذا . هنا . " حط العشا فيذا " يعني هنا
مير .... والله الورطه وش معناها ذي
غديه او غديها .... يعني كوده او كودها ... (( يعني بيفهمون الثانيه )) ,,,,,,,,, مثل ما يقول الابو لولده التسبر " رح ادرس كود اخوانك يغارون منك ويذاكرون " او رح ادرس غديك تنجح باتسر وتطلع دختور ...
صزز ..... يعني صدق والا صززيه يعني صدقيه
زلابه ,,,,, يعني بطه مالها معنى ثاني
دبوووووووج ,,, ؟؟؟؟؟؟؟؟ بس انها شينه يعني اذا واحد قالها لك تراه يسبك
هزع ... او تهزع يعني تطمر والا تنزل ,,, اللي تبي
منهو .... من هو وانتهينا
مهيب والا مهوب ... بالعربي ( ليس ) مثل " هذا التفتر مهوب لتس يانوير هذا التفتر لاختس دليّل "
هق! وتي .... يعني ( اظن ) مثل " هقوتي انه فيذا "
توحي ..... تسمع ,,, اذا جيت تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه على يسمعك ) وبيقول لك من انت ولده ... الخ "
بصرك ,,,, يعني بكيفك .... تقول لواحد تعال معنا ... ويقول لك لا منيب جاي ,, ترد عليه "بصرك "
بعدي ...... مهوب بعدي يعني بعدي بس بعدي .... يعني مثلا يقول الابو لولده ,,, يعدي ابوي بس مدري وشلون تنشرح
امصع ..... يعني اسحب بقووووووه مثل الام اذا قالت لولدها تراني بمصع اذنك لو ما درست
امحق ... هذي محتارين فيها العلماء بس انشالله خير وبيطلعون لها تصريفات للماضي والمستقبل ,,,, واللي عنده مثل عن امحق يلحقني لاني تورطت بهالكلمه
يدربي ...... يعني يدحرج ....
دبق .... اسالو البنات القديمات في الاقلاع يعلمونكم اللعبه وطريقتها ..... كل ما ضاع زرار والا صاموله والا اي شي من القطع الصغينونه ,, دوره عند البنات ,, يجمعونه ويلعبون بها دبق
كنادر .... جزمه
زبيريه ..... نوع من النعال وهو احسن مبيد للصوارير والضواطير ! والحشرات الزاحفه الاخرى
ديرمه ....... روج الاولين
يصطر ......... يصفق مثل ترا ابصطرك يعني بصفقك كف
سماط ,,, مفرش ناكل عليه ومنول نسميه سفره
دارسين ,,, عودان يحطونها الحريم مع الاكل بس مدري وشي و ليش
ملاس ,,,, ننتسب به الغدا
ترم ترم ,,,,, فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه يسمونه النمر الوردي
قاف ,,,,, منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها ودايمن تقول الام لولدها اذا ازعجاها " رح في قاف " عوافيالله هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافيالله
جغمه = جرعه
انقلع + اذلف = فارق (go away)!
وشذا = ماهذا؟
صدوا للبر = عبرة تدل على التعجب
الحوي = فناء الدار
لابد = مختبأ
سذا زين = كذا زين؟
تحياتي لكم جميعا
...................
وصلني عبر الايميل
|