|
اخوي يلعن امي وابوي ؟؟؟ ابي حل يااخصائيين
اخوي عمره 27 وبالجامعه
هو اخوي لكن والله العظيم ان كل كلمة اقولها صدق ماعاد نقدرنعيش كذا
الله يخليكم احد ينقذنا من اخوي واقسم لكم بلله مجرم اشد الاجرام
عادي أي حل اقبله تبون رقمه تنصحونه تكلمونه لانه مافاد فيه أي شي كل يوم ادعي له في سجودي بالهدايه ولكن الله المستعان
كان اخوي الله يرحمه يوقف مع ابوي وامي اذا تعدى عليهم
لكن الحين اخوي مات من زمان وقام وسيطرعلينا كلنا رغم الحزن الكبير الي فينا والفراغ الي تركه اخوي في قلوبنا
ابوي بكى من كثر مايخاصمه وينصحه لكن هو عاق لدرجه ماحد يقدر يتصور افعاله ابوي وامي اشوفهم دايم يدعون له ويقول مسوين طيبين
والله صرت اكرهه من مشاكله ماقدر انام من الخوف لمن يجي من برا يدق الباب بقوه ويصيح ويغني بصوت عالي ويقوم الي بالبيت كلهم
ودايم يضرب اخواني الصغار ورب الكعبه يحط رجله على فمهم
بتقولون وين ابوي ابوي حاول معه كم مره وكلم ناس يكلمون لكن ماينفع
دايم يقول انا ابربيكم وخاصه البنات >>> رغم اننا والله العظيم مانطلع من البيت
وبس نقرى قران ومحترمات بشهادة الجميع وماعندنا قنوات الا السعوديه والاخبار
صرت اخاف منه ماارتاح اذا رحت الجامعه ادق على امي وهو يسبها
ودايم يقول الله يلعن ابوك الي جابك لنا>>> اقسم بلله يقولها
مره طلع اخوي الشارع وقاله خمس دقايق وتجي ويوم جا اخوي الصغير قال تأخرت دقيقه
وضربه بقوه كف قدامنا وحنا مانقدر نفكه وتفشلنا مع الجيران وصوته طالع
دايم يشك في كل شي ويقفل الباب قفلتين ويرجع يطلع يقفله مره ثانيه
وانا حسيت انه مريض نفسي
ودايم 24 ساعه مشاكل وخصام على اتفه الاسباب والله العظيم اخاف اتزوج ويقضي على امي وابوي
من كثر مايعصبون ماعاد اتحمل يوم يسب ابوي قدامي ويهينه ويقوله انت فاشل ماتقدر تربي
ويقول لامي انتي ماتستحين تجيبين كل ذولي العيال والبنات واخر شي تقولين ازعجتونا
رغم ان امي مريضه عندها الكلى تخيلو يحلف بالمصحف قدامها ويقول ورب المصحف انك كذابه مافيك
وجع بس قدامنا مسويه مسكينه >> يشهد الله علي انه يقولها
وكلام كبير بس مايكفي اقوله هنا حتى اقربها في الفطور لمن نحط السفره ونجهزها ويجلس يحط كل شي تحته الفواكه والعصير ويقول اهم شي انا انتم كلو بعدي ومايحترم مره حتى الي بالشارع يسبهم
ودايم يلعن كل احد ويغلط على الناس مايبيهم يغلطون عليه
دايم اذا ابوي طلع يقوم يتحكم علينا ويقول انا الي اربيكم في هذا البيت وممنوع تتمشون ويحرش ابوي
رغم انه معروف في كل الحاره انه اقل ناس يطلعون حنا
مادري وش اسوي اخاف منه كثير اخاف من صوته مره قعد يضرب اخوي ودقيت على الشرطه ويوم جو عند الباب وربي خفت
قلت يمكن يضربني ودق راعي الشرطه قلت لاخلاص انتهت المشكله واصلا مانتهت بس قلت يمكن يعرف انه انا ... هو يدرس بالجامعه عمره 26
اسألكم بلله الي عنده رقم غازي الشمري ولا أي احد يقدر يكلمه قولولي ولا اي شخص ممكن يسوي شي ويحل المشكله مدري حقوق الانسان يحلون شي زي هذا ؟
والله اني ماعاد اتحمل وفيه كثير اشياء مقدر اذكرها وانا الان والله العظيم اني اكتب
وهو يسب امي وابوي
هو صح اخوي لكن خلاص مستحيل اسامحه بعد كل الي سواه
افيدوني باسرع وقت .
مدري اكلم مين ولا اقول للشرطه مره ثانيه ولا وش اسوي
ملاحظه قرأت مرض مشابه له اسمه مرض البارونيا
وهو مستحيل يقبل يروح مستشفى
|