نفساني - عرض مشاركة واحدة

09-10-2011, 09:30 AM

عزيزتي قريت الموضوع و قريت الردود و ما شاء الله عليهم ما قصرو هذا شي

الشي الثاني ان تعامل أهلك معاكي بهاذي الطريقه أكيد و أرجع أقولك أكيد انه مبني على عده مواقف و كان

تحليلهم لهاذي المواقف غلط اما لأنهم ما يعرفو طبيعة المرض النفسي أو لأنهم مثل بقية الناس كذا تربو و كذا

بيربو أولادهم

و من تجربه شخصيه أقولك لا يغير الله ما بقوم حتى يغيرو ما بأنفسهم و الشي الأهم في الموضوع انك ما

بتتغيري علشانهم انتي بتتغير علشان نفسك بالدرجة الأولى وان شاء الله انها مرحلة و تعدي في الماضي كانت

أمي ما تطيقني ضرب اهانه طرد من البيت سب و شتم تفضحني قدام العالم و الناس تريقه حبس في البيت جلد

بالعصي و غيره كثييير وأنا مثلي مثل أي انسان ما قدرت اتحمل انجنيت تركت هاذا كله ما نسيته إلى الآن اتذكره

بس خليته على جنب و تعاملت مع الكل مو بس أمي و كأن شيئاً لم يكن و ما توقعت التغيير في يوم و ليله التغيير

يحتاج لوقت و جهد الحين أمي ما تقدر تستغني عني و كل أخواني يركضو علشاني تحولت الاهانات لكلام حلو

ما فيه شي يبقى على حاله أنا ما بأقول ان المشكله منك لا خصوصاً و انك مريضه الخطأ مشترك بس التغيير لازم

يبدأ منك مو علشانهم لا علشانك انتي لأنك انسانه من حقك تعيشي من حقك تفرحي و تحسي بالسعاده من

حقك يكون عندك أهل يحبوكي و يخافو عليكي يمكن كثر كلامي بس انا بأحاول أساعدك لأني ما لقيت ألي

يساعدني و أنا في عمرك .....