|
[إِنَّ اللّهَ يُحِبُّ الْمُتَوَكِّلِينَ],,سآعدوني أحتاج حل هالاسبوع
بسم الله الرحمن الرحيم
ki8ds4
السلام عليكم ورحمة الله وبركآته
أنا بنت عمري 24 سنه مشكلتي اني اعاني من خمس سنين من القلق وبدأ القلق من لما مرضت مره بالجامعه كان عمري عشرين سنه وزادت نبضات قلبي وصارت ايديني تنمل حسيت اني بموت وكنت قبلها من فتره افكر في الموت بسبب حلم حلمته فصغري عن لما يصير عمري عشرين وفيه اشيا عن الموت
مرت بعدها سنه وكنت تقريبا طبيعيه من ناحية القلق بس صرت موسوسه اعوذ بالله صرت اخاف من المرض او اي شي يصير فجأه
السنه الي بعدها فثالث جامعه صرت موسوسه قلقه واعاني من الرهاب الاجتماعي ومستمر معاي للحين
المشكله الي تعذبني الرهاب لاني تخرجت الان في الجامعه في مرحلة تدريب عشان اصير معلمه وعندي عروض احتاج اقدمها وتطبيق فمدارس الترم الثاني وابغى اعرف اذا فيه دواء يساعدني لان عندي عرض بعد اسبوع وما اعرف شسوي فكرت اغير موعد العرض وأخره شوي وفنفس الوقت ماودي انسحب وابغا ارتاح لو من عرض.أنا واثقه بربي ومستعينه بالله بس ابغا اعرف اذا فيه اسباب تساعدني خصوصا يوم العرض
انا اعرف الحل اراجع طبيب نفسي أنا طلبت من اهلي مرات اروح لطبيب نفسي من اول سنه مرضت فيها ورفضو الفكره
|