نفساني - عرض مشاركة واحدة

19-10-2011, 08:47 AM

يمكن المشكله انك تعتمدي على الدوا اعتماد كلي

والعلاج يكون من نفسك أولا" قوي ايمانك بالله واستمدي قوتك منه

رددي دائما" بنفسك أنا توكلت على ربي وربي ماراح يتركني

ثانيا" أي دواء ماينفع اذا ماكان فيه علاج سلوكي

يعني من تجربتي أحس لما أحضر جمعات بكثرة بالبداية أحس بصعوبة

بعد كذا يخف بدرجة كبيرة

بعكس لما أغيب عن الناس فترة طويلة وفجأه أروح لمناسبة أحس إني كائن غريب

وكثير يحسوا بهالشعور حتى اللي ماعمرهم عانوا من الرهاب

قبل فترة قابلت وحده من صحباتي من زمان ماشفتها تخرجت من الجامعة

وقعدت بالبيت عاطلة وحتى خرجتها من البيت صارت قليلة

تقولي نفسي ألقى شغل وأقابل ناس صرت ماأعرف أتكلم وأتأتئ

لأنها من زمان ماخالطت أحد ولاسولفت مع أحد

الخلاصة انك حاولي تدمجي نفسك مع مجموعات سجلي بتحفيظ

واحضري دورات واجلسي مع أهلك بكثرة

البداية بتكون صعبة بس بعدها النتيجة بترضيك بإذن الله ..

وربي معاك ..