نفساني - عرض مشاركة واحدة

20-10-2011, 11:17 AM

يا أخوي النفس زي الطفل مالها قوانين ولاحدود

انت اللي لازم تضبطها وتعدلها وماتستسلم لنداءاتها السلبية

ترى فيه غيرك كثير حسوا بنفس شعورك لكن مااستسلموا

قبل ماتفكر بالدوا غير من طريقة تفكيرك

"إن الله لايغير مابقوم حتى يغيروا مابأنفسهم"

ابدأ من اليوم انتبه للأفكار السيئة اللي تخطر على بالك

واستبدلها بأفكار تفرحك وتزيد من قوتك

بالبداية بتلاقي صعوبة لكن بعد كذا خلاص تتبرمج عليها

يعني مثلا" لوفكرت " أنا ضعيف ومسكين وعندي رهاب "

استبدل كل هالأفكار المحبطه بأفكار ايجابية زي مثلا"

" أنا طيب ومسالم وربي قادر يشفيني من الرهاب وأنا متوكل على ربي "

هذي النقطة لازم تنتبه لها لأنه طريقة التفكير هي السبب بكل شي

حتى الزوجة ممكن بسبب طريقة تفكيرها تكره زوجها وتتحول حياتها جحيم

مثلا" كل ماتشوفه تفكر فكرة سلبيه زي " زوجي مايهتم بنفسه وماعنده أسلوب ..الخ

كثرة هذي الأفكار تخليها تكره زوجها وبقوووه

لكن لوانتبهت وكان عندها فن اصطياد الأفكار السيئة تقدر تغييرها

يصير لما تشوف زوجها تفكر مثلا" " زوجي مره طيب وماقصر معايا جابلي كذا وسوالي كذا ...الخ

بعدها بيصفى الجو بينها وبين زوجها ..

وهذا الشي ينطبق على كل العلاقات الإنسانية وحتى على علاقة الشخص بنفسه

اذا كل تفكيري أقول بنفسي " أنا ضعيفة أنا غبية أنا ماراح أستمر بالوظيفة واللي زيي يجلس بالبيت ...الخ "

النتيجة أكيد بتكون مدمره ..

معليش طولت بس ودي أوصل المعلومه وان شاء الله قدرت ..

وياليت من اليوم تبدأ تغير من كلامك عن نفسك ..

ربي يوفقك ويرضى عنك ويرضيك ..