نفساني - عرض مشاركة واحدة

24-11-2001, 01:05 PM

واضح اني ما اصلح لك
وواضح انك ما تصلح لي

خذ هالنصيحة اذا حبيت
وسلام الله بيني وبينك
----------------------------------
يالله يا منهو... خبير عليمي
....سبحان من كل الامور يعلمها
محيي البلاد ببرق ثمن بديمي
.....رازق اباعرها ورازق غنمها
الواحد المعبود ربٍ عظيمي
.....يامن له العظمةوهو معتظمها
سبحان من يحيي العظام الرميم
......بامره يموت ثم يحيي عظمها
ثم بعد ذكره افتهم يا فهيمي
.....ثبت علومي بالعقل ثم افتهمها
باوّصف الاوصاف صح صميمي
....باوّصف الاوصاف واركز سهمها
درب المراجل درب عج عسيمي
.....عج يجي بالعين.. ثم يعسمــها
لا صرت ما تبني بشكل سليمي
.....بيوتك بمر الزمان تهدمها
كانك تبي درب السعد والنعيمي
.....طاعة ولي الكون ما اكثر نعمها
وبرّ الرحومة هي حلاة الحريمي
.....تحبها من راسها اليا قدمها
الا بغت شي تجيها مهيمي
.....وتلبي وتركض وتسبق خدمها
وابوي هو عزوتي وعزك بضيمي
.....وقت الشدايد مرتكي لك شهمها
اليا بغى شي تجي له خديمي
.....لو انها عيونك بالمنى ماتحرمها
خلك فطين وواعي ...ياغريمي
.....احلى المعاني ياعظيم استلمها
الاوله.... خلك ذهين وحكيمي
.....كل الامور بحكمتك اتحكمها
والثاية خلك سخي ...وكريمي
.....تري النشامى طيبها في كرمها
خلك شجاع لا سمعت النهيمي
.....مثل الاسد فريسته معتدمها
وخللك وسيع الصدر رجل حليمي
.....ترى الصبر كل الامور يهزمها
واختر خوي للسوالف كتيمي
.....ما بيح هروجك و بقلبه كتمها
رجل ثقيل ..ولا يحب النميمي
.....واهل النمايم لا عزم ما عزمها
ولا الله بلاك بخبل قلب. سقيمي
....عين لاجل عين لزوم تحشمها
لاجل الرجال.. مهوب لاجل اللئيمي
.....ومن يقدع التمرة يحذّف فصمها
وصلاة ربي عد هب النسيمي
.....على رسول امته ما شتمها
-----------------