المشاركة الأصلية كتبت بواسطة جموووح

صباح الخير
انا قصتي ولحظة البداية كنت جالسه عند التفلزيون ومرووقه
وكانت نفسيتي ممتازه هالكلام قبل صلاه الفجر وزوجي بالدوام
الا فيه برنامج عن الموت ووخاتمة الانسان لااخفيكمانا ممهمله للصلاه
وقلت يابنت الى متى وانتي في غفله ارجعي لربك قلت بغير حسيت بخوف
وبيني وبين نفسي اقول لا بشوف عشان تزيد صلتي بالله
باللحظه ذيك قررت اتوب عن كل شي وقلت يالله بقوم اصلي
بعد الوضوء جاني شي يقولي ترا يومك قرب ترا بتموتين ولا وش معنى هاللحظه
قررتي التوبه جيت بصلي وانا خايفه اول ماكبرت جاني شعور قالي لاسجدتي الله بيقبض روحك
وتجيني رجفه قويه وعرقت وصليت لكن والله كاني اركض بخلص بسرعه من الخوف
والله ي اخوان الرجفه ذيك للحين مانسيتها حتى فكي يرتجف اتصلت على زوجي وجا على طول
وصرت ابكي بشكل هستيري هذي اول مره واستمرت الحاله شهر واختفت تماما ورجعت طبيعيه
واقول لنفسي خيره تمسكت بديني اكثر تغيرت بعدها تغير ملحوظ ماشاء الله
ارتحت شهرين وكل ذيك الشهرين وانا اقول لنفسي اخاف ترجع لي الحاله
بعدها زوجي صارت له مشاكل صحيه ومن ضمنها صعوبه البلع اتنقلت المشكله لي وصرت احس بصعوبه بالبلع وهذا انا مازلت على نفس المشكله
المستشفى يقولون سليمه وانا مصرره ان فيني شي اقول معقوله شي نفسي يخليني كذا وفكرت الموت
مازالت فيه كل مااحس بصعوبه انكتم واخاف ومستحيل اكل وزوجي مو موجود مدري وجوده وش بيسوي لي