نفساني - عرض مشاركة واحدة - كم هي المدة التي عانيتم فيها من الهلع والخوف؟

31-10-2011, 04:20 AM

اولا ً اسأل الله لي ولكم الشفاء العاجل من كل داء

انا لي مايقارب 12 سنه من المعاناه

لكن اذا بغيتو تحلون المشكله الي تواجهونها سواء نوبة هلع او اكتئاب

اول شي ماهو المسبب الي يخلي نوبة الهلع تجيك

يعني تخافين من مكان معين تخافين من زيادة ضربات القلب من الضيق

من تغيير الروتين اليومي المعتاد .

اذا عرفتي الاسباب هنا ان شاء الله 30 % من المرض اختفى واذا بغيتي تكملين المشوار

فا المتبقى 20 %

تبدأين اول شي بالثبات وهذا من اصعب ما يواجهه المصاب بنوبات الهلع وفي نفس الوقت اذا ثبت في المره الأولى

صدقوني راح تخف نوبات الهلع مع الوقت .

المشكله التفكير في ذالك الوقت مصبوب تماما ً على نوبة الهلع لو تقدر تفكر وقتها في 1% لعرفة ان هذا الشي وهم .

انا اخذت 7 سنوات طريح الفراش مستسلم للموت والله كان الجميع يبكون اذا شافوني

كانت حياتي كلها مرهونه بفراشي من حين اصحى من النوم .................... اكمل جلوس في فراشي

الناس تصحى الصبح مبسوطه وانا اصحى من النوم شايل هموم الدنيا فوق راسي

الناس تضحك وتسولف ولا تخلي ولا مكان وانا جالس على فراشي استنى الموت

الناس ماعندها هموم وانا عندي هموم الدنيا كلها .

طبعا ً كل الشي هذا يدور في راسي

ليش انا ليش

ليش مو مكتوب الي الفرح ليش اذا جيت ابي اضحك ابكي ليش اذا صحيت من النوم اكتأب ليش اذا جيت

ابي اتمشى اتضايق وليش وليش وليش .

تدرون وش الي نكبنا كلمة ( ليش انا ) وكلمة ( ابي اموت ) .....

شوفو اعرف ان المريض النفسي ما يحب احد يكلمه في الموت وهذا حالنا كلنا

ام شاهين

اكثري من الاستغفار

فكري بإيجابيه في الحياه

قولي راح اعيش مبسوطه

لا تكثرين التفكير في السلبيات

لا تقولين انا فعلت من الذنب كذا وكذا وكذا

فالله سبحانه وتعالى غني عن عبادتنا ولكن الشيطان يقول ياويلكم من الله ويكبر الامور

ما يفعل الله بعذابنا .. والله ان ربنا ( غفور كريم جواد حنان لطيف طيب )

في طرق كثيره وخيتي تقدرين تتعاملين مع نوبات الهلع

منها اللعب في اي لعبه وتصبين تركيزك كله عليها < انا مجربها ومن انجح الطرق الي انا اتبعتها

سنوات طويله وكانت تأتي بثمارها في وقتها .

انا تحت امرك وخيتي بالي اقدر عليه .

اسأل الله لكي الشفاء العاجل وأن لا يحوجك لأحد من خلقه

========================
آيضام من هو في ملككـ ** ايشقا من هو عبد لكـ
أيا إله الـكون ما اعـدلـك ** وما احكمك وما الطفكـ