نفساني - عرض مشاركة واحدة

01-11-2011, 05:47 AM

اقتباس:

المشاركة الأصلية كتبت بواسطة اناستازيا

عارفه ياحنين وهذا الشئ الي يقهر وقبل فتره احترقت وجربت كيف الالم بحرق سطحي وبسيط جدا
فكيف بالنار وهي اضعاف الاضعاف!

انا تعبانه مره من اهلي رغم اني ماسافرت وماطلع من غرفتي

المهم كيفك انتي ؟وش صار مع اخوك؟
خلاص ان ماحس طنشيه وسامحيه مجتمعنا السعودي مافيه شئ اسمه اعتذار ! او احساس

هههههههههههههه لا ماراح اسامحه هو زمان اخرها العام اغلط علي واعتذر بشكل غير مباشر هالمره هو يشوف نفسه انه صح انا بقولك وش السالفة كنا نبي نحط دي جي بالزواج وقال طقاقات بدفوف بكيفكم اما موسيقى ترا والله لا اوريكم قلنا حنا نخاف الله مو بحاجة انك تقول لكن الحقيرة صاحبة الدي جي جابت موسيقى قهرتني قليلة المروءة خانقتها قلت وين الشرط الي بيننا وما معها غير عدد بسيط اغاني افراح بدفوف
وكل شوي مشغله مقطع بموسيقى واجئ اعاتبها انا وامي وخواتي اثاري اخوي سمع صوت ورج الدنيا رج كان يبي يطلعهم وردوه اختي الكبيرة وخالتي وحاط في باله اني انا الي جايبة الدي جي وقلت في بالي ابي اروح معه عشان يقول كل الي بخاطره وارتاح ولما جيت راحت زوجته ركبت ورا وانا ركبت قدام والله لا يوريك لدرجة اننا شوي والا طلعنا طريق الرياض من اللخبطة وتصلبت يدينه من الغضب :( وكان بعلوا صوته بحياتي كلها ماعمري سمعت نبرة صوته بهالقوة تفجرت اذاني وعطاني كم بوقس على كتفي ههههههههههههه كنت وقتها زي الدجاجة بس متماسكة لحد ما حلفني اني ماني السبب وبكيت قلت انا اخاف الله قبل لا اخاف منك لكنه زعل علينا كلنا وقال مافيه زواجات وجاء للبيت وكمل الخصام على خواتي وامي لكنه عرف اننا مالنا دخل لكني مستغربة ليه ما اعتذر مني على العموم هو طبعه كذا مع الكل ماني شايله بقلبي بس بحط خط احمر لا يتعداه معي وبس .