طالبة الشفاء

بيانات اضافيه [ + ]

رقم العضوية : 34961  تاريخ التسجيل :  07 2011  أخر زيارة : 09-12-2011 (04:59 AM)  المشاركات : 12 [ + ]  التقييم :  10

لوني المفضل : Cadetblue

بسم الله الرحمن الرحيم
المهم بطرح عليكم مشكلتي ونبدا عني لاني ما حد من اهلي يعلم بهالشي ما ابغى احد يعرف عني وانتوا احكموا المهم
ادكر كنت الاول اغسل سجاده الغرفه كلها لانه جلست عليها وانا نجسه والحين تطهرت كيف بجلس عليها وانا جلست بنجاسي عليها و لما ادخل الحمام احس انه لازم لازم الله يكرمكم يتطاير نجاسه البول على رجليني فما اطمئن الا لازم اغسلهم قبل لا اطلع ما اقدر لانه بتكون رجلي نجسه فبتنجس كل شي ءالتقي به ولما اخرج من الحمام ما اقدر ادوس على السجاده اللي عند باب الحمام لانه احياننا يدوسوا عليها بالنعال فبتنجس فا استغفر الله انط هالمنطقه علشان لا ادوس عليها هدا الكلام من زمااااااااااااااان لكن الحين شلناها وادوس على الارض عادي وادا حسيت نفسي نجسه وجلست في اكثر من مكان مثال الفراش اقوم اغسله واغسل اللحف والمخده ومو بس في الامور الدينيه في كل شيء اشك ولا اقدر اني اكون متأكده ولا عندي ثقه من نفسي حتى في امو دراستي يعني انا الحمد لله ممتازه ومتفوقه وما احب اغيب اجهد نفسي في المذاكره وخاصا ايام الاختبارات حتى لو خلصت وحافظه نصا الكتاب وخلصت بدري اقول الناس امتحانات واعيد وازيد واروح الامتحانات وانا مواصله وحتى في السياره اراجع في الطريق لا واحمل معي كتاب حق يوم ثاني علشان لما اخلص من الاختبار اذاكر حق يوم ثاني وياليت اخلص اختبار وانسى اجلس افكر واراجع حليت صح او لا ؟واحيانا انسى حتى اسئله وما اتذكرها الا وانا اذكر الماده الثانيه واقوم مفزوعه اشوف الاجابه نفسها اولا كذا مره طيب اشبستفيد لو طلع الجواب خطا؟ انا اختبرت وخلصت وعدينا ايام المدرسه ولكن جت الطامه الكبرى دخلت الجامعه والحمد لله انقبلت فوري وهني المشكله مثل ما قلت انا ما حب اغيب من لما كنت في المدرسه وقوانين الجامعه تختلف طبعا يعني حدك في الماده تغيبي فيها 3 مرات ولو تعدا العدد انحرم من دخول الاختبار واعيد سنه فكنت حريصه كل الحرص اني ما اغيب ولا احب الغياب يجيني رعب لما تجي المشرفه تاخد حضور وغياب استنى تقول اسمي ولما اتقوله اشوفها بعيني تحط صح على اني حضور واتأكد من اللي جنبي شفتيها حطيت صح ؟؟ يالله كل محاظره كذا 5سنوات احيانا اقول ما سمعوني وانا اقول نعم على الرغم اني ارفع يدي وانا اتكلم واروح وانا حتى لو تعبانه اذكر مره كانت مرتفعه درجه حرارتي واروح لاني كلا اخاف انهم مره ما انتبهوا لي وحطوني غياب وبعدين انحرم من دخول الاختبار يالله ايام ما تنسى ايام مطر ايام تعب اداوم وادا مره مره قررت اغيب اغيب مره وحده وانا خاااااااااااايفه اني انحرم على الرغم الكل يغيب بي 3 المرات ولا يخافوا ولا شي وحتى مره جاني تفكير اقول مدري غبت اولا على الرغم متأكده اني ما غبت وجلست احسب كم يوم من داومنا واشوف الملابس اللي لبستها كم لبسه اشوفها على عدد الايام اولا؟؟ ولما اسمع انه المحاظره ملغيه ما اصدق واسأل كدا مره ولا يفيد الا لما امر كدا مره على الاعلان واشوفه وايام الاختبارات الجامعيه مأساه مأساه مأساه الكتب كبااااااااااااار تعالي ذاكريهم في نصف يوم ولما اخلص من الاختبار اقول كتبت اسمي على الورقه اولا ؟؟ ضللت النموذج او لا؟؟ورقه الاسئله نفس ورقه النموذج اولا ؟؟ حتى عندي خزانه هناك اطر ارجع البيت بكتبي و اامن احطها وساعات ارجع اقول يمكن ما قفلتها الحمد لله واخيرا تخرجت وارتحت من مخاوف الحرمان
نجي للشي الثاني : وهي اني اعيد وازيد في الغسل احيانا اقول مانويت ليش هالغسل واحيانا ماتوصل للعضو الماء واحيانا احدثت في الغسل ولا اابي اتكلم لما يناديني احد اثناء الغسل اقول بيبطل غسلي حتى مره اختي تناديني اكثر من مره وانا حاقره خافوا علي لانه طولت وانا ساكته ولما شفتها تبكي تكلمت قالوا ليش حاقره وانتي تسمعي قلت بس كدا ما عترفت ليش ولما اشوف حاجب بعد االغسل اقول هدا يمكن من قبل على الرغم اني ما شفته قبل الغسل ويزداد كثره الغسل لما باروح مكان مقدس يعني واقول لين غسلي خطا اعمالي وصلواتي كلها باطله واحيانا اغتسل اقول احتياط اني نزل مني سائل بشهوه اقول نجسه
والشيء الثالث ؛اني كل شيء اسويء افكر فيه حتى لو في نفس الوقت اخاااااااااف كل شيء يكون مو صحيح ويكون في ذمتي واتعاقب عليه حتى رحت الحج وتعبت والله الناس تنتهي من عملها وتفرح وانا اسوي شي واشك فيه ابي اعيده حتى رمي الجمرات الناس رمت وخلصت وانا خلصوا جمراتي وصرت اطلب من ذا وذاك ورايحه في امام بعد و اظنها ما وصل واحيانا وصلت واشياااااااااااااااااااااااااااااااااااااااااااء كثيره حتى اخر طواف ما طمئنيت الا لما عدته لانه اقول وضوئي ما كان صح و لااطمئنيت اصلا حتى بإعادتي له واالصلاه خلف المقام بعد كدا مره عدتها ولما قالوا بيروحوا العمره ما رضيت اروح معاهم وبعدين رضيت لانه اقول بيرجع لي العذاب ورحت وصار لي اشيااااااااااء كثير والسنه بعد رحت العمره ونفس الوقت قصرت واقول لا ماقصرت واقول ببني على التقصير ومشيت وكل شيء يعني لو اعددها ما خلصت غير ان الاحرام كدا مره اغسله
طبعا انا عارفه الاحكام بس ما ارتاح تجيني افكار حتى لو من سنين تجبرني افكر فيها واسأل عنها واتضايق ونفسيتي تصير زفت و لااشتهي اكل واضغف ولا اتكلم واحس راسي بينفجر احس بتأنيب ضمير حتى المشايخ اللي اسألهم بأسلتي يقولوا لي انتي وسواسيه اتقي الله في نفسك و لااستحي على دمي اعيد اسألهم مصره على اني متأكده اني صحيحه فهل صحيح اكون كدا وسواسيه؟؟

ولما اشتري شي اقول عطيتهم المبلغ كامل او ناقص ؟؟
اسفه طولت عليكم بس لانه ماحد يدري عني قلت افضفض لكم ونستفيد