الوايلي2010

بيانات اضافيه [ + ]

رقم العضوية : 36185  تاريخ التسجيل :  11 2011  أخر زيارة : 04-11-2011 (07:00 PM)  المشاركات : 1 [ + ]  التقييم :  10

لوني المفضل : Cadetblue

سلام عليكم
اخوكم في الله مثل حالتكم كل واحد قريت عن حالته نفس اللي تجيني بالضبط افكر بالموت واحس اني بموت واذا طلعت عند الشباب ما احب اطول بس ابي ارجع للبيت واذا جتني انام عشان ارتاح واذا جيت بسافر مع الشباب او اودي اهلي يصيفون مع الخط تجيني اقول تعبت مع العلم ماكنت كذا كانت حياتي غير وكنت ما اهاب الموت ولا اخاف منه مثل ألحين كنت افحط ومشاكل ومضاربات ودجه وانرميت بسلاح بجلي وانطعنت بشبريه بصدري تحت القلب وكل يوم بالتوقيف وبالمستشفى واذا مشيت بالشارع فردت عضلات وامشيمشيت الناس اللي مسوي قوي وداشر واسوي النون ومايعلمون اللي ابي اوضحه اني ماكنت اخاف من الموت ولا اخاف من احد بس فجأه فكرة بنفسي قلت ياولد انت لمتى ع الحال و الدجه اللي براسك متى تروح شوف اللي كانوو معك اول كلهم تخرجوو وتوظفوو وتزوجوو وانت ع الحال لمتى وشوف اصحابك اللي معك بخوة الدجه وينهم اللي بالمستشفى حوادث من التفحيط واللي توفى واللي بالسجن المهم هجدت وكملت دراستي وتخرجت من كلية التقنيه قسم اداره مكتبيه قلت حلوو باقي الوظيفه وبعدهاا بسنه الزواج وبعدهااا الاطفال يعني كانت امال براسي واحلام واثق انهاا بتجي والله واجلس سنه سنتين وانا عاطل طفشت من البيت رجعت للشله حقت الدجه وطلعات سوريا والاردن وسهرات وبعدهاا رجعت لعقلي قلت انت تخرجت عشان الشي هذا والا عشان تشوف حياتك وتهجد وفعلا هجدت وفتره من كثر جلوسي بالبيت وسوسة وجتني الحاله هذي اللي تشتكون منهاا التفكير بالموت وغيره بقول لكم قصه وحده من قصصي اللي صارت لي مره قررت اسافر انا وولد عمي المدينه المنوره نرووح عند عيال خالي نجلس عندهم نغير جوو الحاصل انه بالطريق جتنلي الحاله وانا ما ابي اقول لولد عمي اللي فيني شافني حطيت يدي ع قلبي قال وشفيك قلت ابد احس فس دوخه قال سلامتك ووقف عند المحطه وجاب لي مويه وعصير طماطم ياناس انا افكر بالموت واهو جايب لي عصير طماطم . طماطم مين والناس نايمين انا افكر اني ابي بموت واهو يحسبهاا دوخه بسيطه سكتت قال نم ريح قلت طيب وكل ماقفلت عيني قلت بس الموت جاء لحووول وافتح عيني ماقدرت انام واوسوس انجنيت ما ادري كيف ابعد الشي هذا عني وين قلبي اللي كان حجر مايهاب الموت وين الشجاعه اللي كنت امتلكهاا راحت يالله واشوي قلت بقول لنفسي هذا وسواس وبيروح بس خلني اطقطق ع نفسي شوي عشان تهجد المهم قلت بيني و بين نفسي افاا ياولد هذي اخرتهاا توسوس استح ع وجهك وقاعد اعطي نفسي دافع المهم فجأه زادت دقات قلبي ونسيت التعزيز اللي جالس اعززه لنفسي وفكرة بالموت وربي غصبت نفسي عشان انام وارتاح المهم اللي بقوله انه والل الشي هذا خطير ذبحني انا كنت اتحدى نفسي بكل شي وامتلك الشجاعه بكل شي الا هالشي عجزت اقاومه واحس انه سيطر علي سيطره كامله واللي يبي يقول لي تقدر بقول له انت كذاب انا عجزت والله عجزت ادري لحست مخكم بكلامي بس ما ادري كيف اعبر عن اللي فيني واتمنى الشفاء لي ولكم عاجلا غير اجل والسلام عليكم تحياتي