|
مرض الوسواس الفكري والخوف من الجنون ملازمني
السلام عليكم ورحمة الله وبركاته
أنا يا إخواني صار لي تقريباً شهر ونصف من يوم جاتني الحاله الوسواسيه لكن اول شي كنت اخاف من الامراض بعدين الله فك لي منها يمكن يومين بعدين رجع لي الخوف لكن المره هذي خوفي من مرض الجنون احس أني بصير مجنون الافكار هذي ملازمتني ما تفك مني واذا شفت واحد مجنون اقعد اوسوس أني راح أصير مثله يعني شوي وانجن واللي متعبني كثرة النسيان والشرود وقمت اخربط بعض المرات في الكلام مع العلم ان الافكار هذي صار لي حوالي أسبوعين ما فكتني دقيقه على طول افكر بمرض الجنون وهل ممكن ان يتطور هذا الخوف الى جنون حقيقي مع العلم أني رجل محافظ على الصلوات والأذكار والرقيه وهل ممكن يكون سبب النسيان والشرود هو كثرة التفكير المتواصل.
أرجوكم ريحوني الله يريحكم دنيا واخره لان الموضوع هذا متعبني مره وحده
ملاحظه:قبل ثلاث سنوات أتتني حالة اكتئاب وذهبت للمستشفيات النفسي وصرف لي علاج لم استمر عليه الا اسبوع لأني شفيت بإذن الله من دون علاج حتى قبل شهر ونصف وانا لدي من العمر 25 سنه
|