مروة هيكل

بيانات اضافيه [ + ]

رقم العضوية : 36221  تاريخ التسجيل :  11 2011  أخر زيارة : 07-02-2012 (07:30 PM)  المشاركات : 13 [ + ]  التقييم :  10

لوني المفضل : Cadetblue

بداية مرض زوجي وعلاماته بدأت مع أزمة مصر ؟ وكنا في أجازة وكنا ككل المصريين متابعين الأخبار دقيقة بدقيقة لدرجة انه كان بنام امام والتليفزيون ونحن مغتربين في بلد خليجي ؟ فكان زوجي يحللل الأخبار والبرامج بطريقة غريبة وكان يربط ما يقال اثناء الأزمة بما سمعه مثلا من سنه او اثنين ؟ فعلا ربط عجيب ؟ وكانت اعتقادته لم تصدقها لاول مرة لكن اسلوبه في الأقناع يجعل كل من يسمعه يصدقه ويقتنع بها وأنا اولهم ؟ وطبعا ذلك
للخلفيات المعروف بها من رجاحة العقل ؟ ولكن في يوم المسمى في مصر بجمعة الرحيل من وقت ما صحي ؟ وهو يقول ان انهاردة يوم القيامة ؟ وان انا نذير ليكم ؟ واصر على اتصالنا بكل من نعرفهم ونقول لهم استغفروا الله ؟ والله والله والله انا صدقته وعشت معاه لحظات انتظار ان القيامة تقوم لانه كان يقول لي ادلة مقنعة جدا جدا ؟ ولكن بعدها بدا التعب من عدم النوم واعضاء جسمه كلها بتوجعه وشريط حياته بيمر عليه ؟وفي الأثناء كانت التليفزيون المصري ينشر دائما نداء عاجل نداء عاجل كان هو ياخذه على انه نداء ليه ؟ وبعدها انتظر الموت ومن كلامه كان ينتظر ومستعد انه يموت ؟ بعدها انا بحثت عن مساعدات لاشخاص قربين فشاروا علينا بزيارة دكتور نفسي وعصبي ؟وبالفعل راح لدكتور واعطى له دوا شهر كامل لم يأخذ زوجي منه غير الأعراض الجانبية منها الالام الاطراف وقلق وتوتر ؟ وبعدها الدكتور قاله الدوا مش جاب مفعول نغيره ونعطي اقوى منه واعطاه دوا صعب اوي مش نسيت اسمه بس كان غالي اوي بالمصري في حدود 1400 جنية العلبة الواحدة ودخلت على النت وعرفت ان اضرارة كتيرة اوي اوي ويأخذة المدمنين وفعلا مش شفنا منه غير الأضرار الجانبية الفظيعة مثل انه كان مش ينام خالص خالص وكان مش يقدر يقعد خالص طول اليوم رايح جاي ومشتت ومش بياكل وضعف ضعف شديد وعدم النوم اثر علية وكنت بحس بنبض جسمه شديد اوي وبعدين قطع من الدكتور لانه من وجهه نظرة فشل في علاجه وراح المستشفي الحكومي الموجود بالبلد وتابع مع دكتور اخر ؟ ولكن عدم النوم كان يؤثر عليه اثر شديد ففي يوم اخد حبه منوم من الصيدلية ومش نام وبعدين راح المستشفى فاعطوه حقنه وبعدها راح تاني واعطوه شئ تاني ؟ وجاه على الفجر صوته اتكتم واصبح يقول انا هموت وفعلا كان شكل فمه اصبح غريب ويصدر اصوات من فمه لا اراديا ؟ وبعدها لما شافه الدكتور المختص بحالته اعطاه دوا لازالة الاعراض التي ظهرت بسبب الادوية المنومة ؟ وبعدها بكام يوم كان اجازة والدكتور المختص بحالته مش ينفع يشوفه لانه كانت اجازة رسمية على مدي عدة ايام ؟ قال انا تعبان حاسس ان دماغي هتوقف انا مش عارف اللى ممكن يحصل لدماغي ؟
شئ طبيعي اخاف جدا وحجزنا ونزلنا مصر في خلال يومين ومن المطار للدكتور الرخاوي
ولا اشكك في قدرات دكتور كبير ذي الدكتور الرخاوي ؟ ولكنه لم يعرف الحالة بالتفصيل ولم يقل الى الان هو عنده اية ؟ بس اعطانا تنبيهات شديدة ؟ منها عدم الطبطبة وانه مش يشتكي لحد اوجاعه واشياء اخرى ؟ والحمد لله اسبوع واحد وبدا يتكلم شوية واوجاعه تروح وينام شوية ؟ بس بدا مرحلة جديدة من القناعات ؟ كلامه ان ربنا غضبان علينا وربنا مش مبارك لينا في فلوسنا ؟ وانا احاول اقنع ربنا تواب رحيم ؟ وبعدها بدات فترة الصمت التام لو انا مش كلمته مش يكلم ؟ وحصلت ليا ظروف اضررت ان اعود للبلد لوحدي ؟ وسيبته فترة حوالي شهر مع والديه ؟ والحمد لله رجع لينا ؟ في حالته الهدوء التام عدم الكلام وعدم المشاركة في اي شئ ؟
لكني لما اكلمه يرد عليا بالمطلوب بس ؟ ملحوظة لما يحصل بنا خلاف واكون قصده اني اصعد المشكلة القيه بيفوق شوية وصوته بيطلع وبيصحصح وبينفعل ؟
ودلوقتي الحمد لله حالته مستقرة عن السابق كتير اوي ؟
بس زي ما قولت في السابق ؟ مشكلته انه مش بيدمع ؟ ولا قلبه بينبض ؟ ولو سمع دعاء او قران قلبه لا يخشع ؟ واحساسه انه مش بينام ؟
وكلامه ان ربنا ختم على قلبه وعلى سمعه وانه سقط في الفتنة فاماته الله ؟ وهو حي
نسيت اقول ان بعد جمعة الرحيل انقطع تماما عن مشاهدة التليفزيون والاخبار ولم يتكلم بعدها عن اي احداث ؟ ولم يتابع ولم ينتبه لاي شئ في التليفزيون ؟
لكن دلوقتي اصبح يفتح شوية الرياضية .