مان كيمو

بيانات اضافيه [ + ]

رقم العضوية : 29378  تاريخ التسجيل :  12 2009  أخر زيارة : 12-01-2012 (08:16 PM)  المشاركات : 8 [ + ]  التقييم :  10

لوني المفضل : Cadetblue

زوجة مكتئب
من الاشياء اللي تساعد حضرتك جدا :القراءة عن مرض الاكتئاب و محاولة فهمه جيدا لأن المشكلة مش بتبقي في ال mood (المزاج) بس لكن فيه مشاكل اخري.
انا من مرضي الاكتئاب
ظللت حوالي 6 سنوات اعاني من الاكتئاب و لم اكن اعرف ان ما اشعر به هو اعراض مرض الاكتئاب.
(كنت فاكر ان اللي انا حاسس بيه كل الناس بتحس بيه) و في يوم كنت اقرأ عن الاكتئاب فعرفت ساعتها اني مريض بهذا المرض.
درجة المرض عندي كانت : اكتئاب شديد + افكار انتحارية
الشئ اللي اسعدني اني انا مش فاشل في حياتي- لأ - ده الاكتئاب هو السبب في احساسي بالفشل.
قعدت مدة افكر اعمل ايه؟
انا دلوقتي حياتي في خطر و لازم اتصرف !!!
قررت اني ابدأ علاج خصوصا اني حاولت احل المشكلة مع نفسي لكن لم استطع.
بدأت بالادوية فقط:اخذت الادوية وقت حوالي شهر علشان يظهر تأثيرها و انا كنت عارف ده و مش مستعجل.
اخذت كبسول اسمه Effexor 150 مرتين في اليوم و دي كانت ال maximum dose و حالتي كانت تستدعي ده.
الادوية فعلا رائعة لدرجة ان فيه افكار معينة كانت بتدور في ذهني قبل العلاج و الافكار دي اختفت تماما بعد شهر من العلاج يعني حاجة غريبة جدا انا نفسي ما كنتش مصدق-اللحظات السعيدة في حياتي اللي ما كنتش بحسها قبل العلاج بقيت اعيشها فعلا بمنتهي السعادة-النظارة السوداء اللي كنت شايف الدنيا بيها بدأ لونها يبقي فاتح شوية و بدأت اشوف افعالي و افعال الناس زي ما الناس بتوصفها من غير نظرة الاكتئاب.
كل ده كويس لكن بدأت تظهر مشكلة!!!!

اختي زوجة مكتئب
لو الكلام ده هيفيد حضرتك انا مستعد اكمل تجربتي.
ياريت نفكر بصوت عالي علشان نساعد بعض يعني نعرف قصة زوجك ايه و ايه الخطوات اللي اتخذتوها في العلاج.
انتظر الرد من حضرتك.