نفساني - عرض مشاركة واحدة

22-11-2011, 02:05 AM

السلام عليكم أخي أو أختي جموح أولا بالنسبة للسهر في أول أيام التوتر شئ عادي معظمنا مر عليه أنا تمر ثلاث أيام وأسبوع أنام باليوم ساعتين وأفز معتفس وأعفس اللي بالبيت معاي وأكبر لقسم الحوادث بالمستشفى عرفوني كل الأطباء اللي بالكويت والحين ربع الأسماء اللي بموبايلي أطباء تنميل ووخز وضغط بالراس كل مكان بجسمي مركز عليه والمشكلة إنه تطلعي أعراض غريبة يعني ساعات أقعد أراقب النور سواء بالشارع ولا بالبيت أشوف الإضاءة كأنها تغيرت صارت قوية على عيني وساعات أحس إنها ضعيفة واسأل اللي معاي تلاحظون هالشئ ولا فيني بلاء والأحلام كل حلم أفسره بالموت يعني مرة حلمت إني العب كرة وكان الوقت عصر وظلمت الدنيا وفتحوا كشافات الملعب على طول صحيت من النوم خائف وأفكر انه تفسيره الحلم هو الموت وأطالت إعيالي وأبكي وأنا رجل عمري 38 وقتها من 3 أعوام وكوابيس مشوار الله سبحانه أعلم فيه كل هذا مرض أقوى شئ فيه وأقسى شئ كان جهلنا فيه ترى مااعتقد إنه في واحد يعرف هالمرض قبل لايصيبه الا قلة المرض هذا قوته في مفاجأته وجهل الناس فيه يخليه يلعب بالواحد لعب ضيق تنفس صداع دقات قلب سريعة تنميل عدم تركيز هذا المرض خصم وعدو وأول خطوة للتعامل معاه تكوين فكرة كاملة عنه وعن أساليبه بالهجوم يعني الشئ يجيك وانت مستعد له وعارفه أحسن مايجيك على غفلة يمسخر الواحد ويمشي وهذا اللي حصل لي في بداية المرض وبالنسبة للدوغماتيل ترى جربته فاشل يدوخ واذا راح مفعوله كانه ينادي النوبة علشان تاخذ لك حبة المهدئات ماكو على الزانكس دواء اللي سواه زلم خفيف لطيف يريح من غير ما يسطل ولازم تاخذ علاج اللي هو مضاد للاكتئاب مثل السيبرالكس أو السيروكسات أو وهو الأحسن السيمبالتا طبعا مع استشارة الطبيب ولازم تصبر أول أسبوعين من العلاج وتكمل على الدواء لما يبدأ مفعوله أسأل الله أن يشفيك ويثيبك ويجعل ماتعاني تكفيرا للذنوب وشفاء عاجل غير آجل إنه ولي ذلك والقادر عليه تحياتي ...?