|
أنا أسولف مع نفسي ! هل أنا طبيعية أم أحتاج لعلاج !!!
السلام عليكم ورحمة الله وبركاته
مثل ماهو واضح من العنوان أنا بنت عمري 23 سنة
مشكلتي تكمن في اني إذا جلست لحالي أجلس أسولف مع نفسي وكأن فيه أحد جالس معي ويسولف معي
حاولت أترك هذي العادة وما قدرت أتخلص منها
كنت أراجع في مركز نفسي لسبب ثاني غير هذا السبب وقلت للدكتورة عن مشكلتي بس كنت منحرجة جداً اني أقولها
قلت لها اني ابي أقول لها حاجة ومرة منحرجة ف لما أصرت علي اني أقولها قلت لها اني إذا جلست لحالي أبدأ أتكلم مع نفسي
وسألتني عن طبيعة الكلام وقلت لها اني إذا صادفتني مشكلة بعض الأحيان أحاول أدور لها حلول بس بصوت مسموع قالت لي مافيني شي وهذا مجرد تفكير لك بصوت مسموع
لكن انحرجت أقول لها اني أسولف مع نفسي وأضحك مع نفسي بصوت عالي
وهالشي فيني يمكن تقريباً من يوم كان عمري 13 سنة يعني تقريباً لي عشر سنين
أنا أبي أعرف بالضبط وشو اللي فيني هل هو وسواس ولا ايش بالضبط
|