فكرٌ مزدحم

بيانات اضافيه [ + ]

رقم العضوية : 36476  تاريخ التسجيل :  11 2011  أخر زيارة : 25-12-2011 (08:57 PM)  المشاركات : 3 [ + ]  التقييم :  10

لوني المفضل : Cadetblue

في أشياء كثيرة أبدأ من وين بس تسمح لي بس كم يوم أرتب أفكاري واعرض مشكلتي على شكل نقاط..
لأني احس فكري مشوش
وتراودني فكرة مراجعة إستشاري نفسي..لكن ماني عارفة بالضبط لمين اتوجه..وان توجهت للعيادات الخاصة فأسعارها جدا باهضة..
اما بالنسبة للفكرة الملحة..هو تساؤول ليه يارب يصير معي كذا كل مرة اجي فيها افرح او ابدا في اي مشروع حياتي يفشل .. ليه يارب عائلتنا يصير فيها كذا حنا ناس بسطاء وطيبين ونعمل خير ونواجه فشل ذريع !!أعلم ان الحياة فرص وتقسيمها بين العباد ليس متساوي وذلك لحكمة يختص بها ربي فعلم الغيب عنده..أنا خسرت ناس كثير وصداقات جدا عزيزة علي وأبعدت ناس كثير ولما اتواجد مع شخص احس بعدم راحة لحد ما انعزل ..كله كوم ولما تبدا فمشروع الزواج تكون صريح ايام الملكة امام شريك حياتك بكل شيء بأسلوبك وأفكارك وسلوكك..وانفعالاتك..وطموحك واحلامك ومتطلباتك وماتلقى مع شريك حياتك اي تعارض بعد الزواج يبدأ فرض نمط حياته عليك وتحطيمك تهميش وجودك واهميته الي ماتظهر الا لخدمته وخدمة اهله..كل فشل بالحياة ممكن الواحد انه يتخطاه الا الزواج والحلم بحياة مستقرة ومستقلة انت تكون سيد حياتك اخيرا..وتتفاجأ بالفشل..وسلبك حلم الإستقلالية..كنت واضحة وصريحة ليه ماكان صريح وواضح..ليه مطالبه بتلبية رغباته ورغباتي يضرب فيها عرض وطول الحائط..أكره مجتمعنا..أكره الإزدواجية في تركيبته..يبدو لي اني ماراح ارتاح الا لما اكون مزدوجة الفكر والتوجه ومنافقة..ونصابه..ليش تعامل الناس بإحترام وطيبة وأريحية ويكون ردة فعلهم التطاول عليك وعدم احترامك..هل الإنسان لازم يكون رسمي فتعامله وغثيث وغير بشوش عشان مايوحي للآخرين انه ضعيف وسهل..آخر شخص كنت اتوقع انه يخذلني هو الشخص الي حبيته واملت فيه خير كثير..
هل كان استماعه لي وموافقته لي في الملكة لسبب واحد الا وهو انه يعرف كل شي عن ماضيَ ونقاط ضعفي ويستغلها؟ لأن هذا الشي اللي اتضح لي من تعامله..
أيعقل ان اتعامل حتى مع شريك حياتي بضبابية وغموووض وحواجز..طيب اذا ماكنت صريح معه ولا استخدم اساليب ملتوية او مثل مايسميها بعض الناس ذكاء إجتماعي فن حوار استغفال..اي شي..من هالمصطلحات..هل التصرف بخبث ولؤم وتخطيط لكل كلمة ..يعني مو معقول بصحى من النوم وانا افرش اسناني افكر بمداخل وثغرات زوجي عشان اقدر آخذ منه اللي ابي. اليوم من دون مايعارض وافكر بأساليب إقناع؟.يالله..ليه هو يقدر يفرض طلباته اوامر وانا لازم ابحث عن ثغرات..وفتحات عشان اطالب بحقوقي..أحس اني قارض مب آدمي..
أنا حبي له تحول لحقد وكراهية لي اولا لغبائي وله ثانيا لخسته..
أنا مليت من تقلبي وخمولي تمر ايام اكون عالية النشاط.., واهتم بنفسي درجة اني ماانام لساعات متواصلة افكر..او انام لأياااام وتمر ايام مااهتم بنظافتي الشخصية احشر نفسي تحت لحاف .. راسي احسه ثقيل وفارغ..انا اكره اني ألجأ لأدوية لكن هل فيه مضاد إكتئاب اقدر أتناوله من غير وصفة طبيب؟
ألوم شخصيتي كثير..واكرهها..ابي اضع حد لمعاناتي خلاص تعبت..