كلوفر

بيانات اضافيه [ + ]

رقم العضوية : 36513  تاريخ التسجيل :  12 2011  أخر زيارة : 23-06-2012 (04:04 PM)  المشاركات : 58 [ + ]  التقييم :  10

لوني المفضل : Cadetblue

هههههه مو بس انتي يبا كل الناس انا ضحكت لاني تذكرت اني مرة طالعت بالمنظرة و قعدت اضحك لاني زفيت روحي
جذي لمن تسوين شي غلط تعاقبين روحج
اساسا حتى الافلام البطل لمن يكون متوتر يطالع نفسه بالمنظرة و يقول اصحى اصحى لا تتوتر و يهف روحه ذاك الطراق الي اخ شنو يعور بعدين يتدرب ع الحوار الي بيقوله للشخص الي متوتر بسبته
عادي ترا هالشي عادي و فوق العادي و لا هو حالة نفسية و لا شي
انا اختي اصغر مني بخمس تعش سنة فرق السن عود اهي عمرها ثلاث سنين الله يحفظها و يطول بعمرها يعني قبل خمس تعش سنة ماكان عندي خوات فكنت اضطر اني اقعد بروحي بالبيت ساعات اقعد مع اخواني بس زهقة كله يعلقون لووول
المهم انا تعودت ع الوحدة و لمن ازهق جذي اطالع روحي بالمنظرة اعدل شكلي اسولف اهي مو سوالف اقصد تفكير خصوصا لمن اخفف ع روحي اعراض المرض و الخوف اطالع المنظرة او حتى من غير لا اطالعها اقول لروحي بصوت مسموع relax relax و لازم الي جب اوش كلها تخيلات خلاص انسي و هيك اخفف ع روحي المرض
ترا المريض النفسي انسان طبيعي جداً مو مجنون فلا تحاتين و لا تقولين انا موسوسة اطردي الفكرة هذي من راسج نهائيا
انتي طبيعية طبيعية طبيعية طبيعية
لو هالمشكلة مو طبيعية جان سكان الارض و من ضمنهم بطل الفلم المتوتر لووول مجانين
و هذا الي مو طبيعي
انتي قاعدة تفكرين مع نفسج عادي و ساعات عشان تستوعبين الي قاعدة تفكرين فيه تقولين بصوت عالي
الحين انا لمن ادرس جذي اشرح لووول جنه انا المدرسة و اهو ماكو احد جدامي و اهلي يدرون بالعكس عمرهم ما قالوا امبيه مجنونة لانه شكو ماله شغل الجنون بالسالفة
لانه الجنون اهو لمن تسولفين مع ناس لا شعوريا
و انتي فاهمة و عارفة انج تسرلفين عادي يعني شعورية المسألة يعني طبيعي
بعدين انا طبعي قرقة و ساعات اقرق مع نفسي افكر بصوت عادي مو الي اقول لروحي شلونج و روحي ترد تمام انتي شلونج لا
يعني لغه مو حوارية بين طرفين
لا انتي قااعدةو تتكلمين عادي بصيغة الغائب يعني مو قاعدة تحاجين روحج فهمتي علي
اتمنى اكون افدتج بس اذا هالشي مشكلة لازم كلنا عيل نتعالج و لا تحاتين اهو مو مشكلة