شكرا جزيلا دكتور مش عارفه انا من حقى اكتب تانى ولا خلاص اخدت فرصتى فالكلام بالنسبه لقوانين المنتدى لانى بحثت عنها ملقيتهاش فاسفه ان كنت تجاوزت حقوقى بس هكتب وان موصلش حضرتك يبقا نصيبى كده بالنسبه لللى قولته حضرتك
نعم أختي،، من حقك،، ولا يهمك
كلام حضرتك مظبوط تمام
انافعلا حسيت انه حاطط فدماغه انى انسانه شهوانيه رغم انى مش كده انا كنت بس بشتاق للاهتمام وانى انسانه مرغوب فيا زى كل صحباتى مابيحكولى على رغبة ازواجهم فيهم وامى الله يرحمها نصحتنى نفس نصيحتك وقالت لى وصليله الاحساس انك مش لازم علاقه زوجيه طالما دا بيريحه وفعلا قلتهاله بالعربى الفصيح
انا كنت عاوزه الحاجه دى علشان بحبك لكن طالما بتتعبك خلاص مفيش مشكله وهو حس بالذنب كام يوم وبقا كويس ورجع زى الاول يفضل بالشهر ميكلمنيش خالص حتى السلام مفيش ولما اسأله يقولى دماغى وجعانى
مش لازم أختي توصل المعلومة له على ان العلاقة الزوجية بتتعبه
ولا لازم انه يحس بالذنب. انتي وصلي له انك مش عايزاها وبطلي تطلبيها لافعلا ولا قولا
طبعا الكل عارف انها من حقك وان التقصير منه، لكن اذا اخترتي انك
تتنازلي عنها وتقبلي انك تعيشي معاه رغبة في اشياء اخرى، يصبح من الواجب
ان تتوقفي عن مطالبته واشعاره بالقصور
دا هو اللى قاتلنى دلوقتى يعنى هو مش قادر يحس بيا وانى فقدت اعز انسانه عندى واللى كنت بفضفض معاها
وجارحانى اوى حتة انه بيحب يبين انى اقل من غيرى رغم انى ولا اذكى نفسى على الله مش وحشه شكلا وان كنت بعاتبه باسلوب لازع فده من قهرى يعنى هويكون نايم فالبيت ويقولى اخرجى لوحدك مع السواق مش عارفه بحس انه بيسقط من نظرى فتصرفات معينه زى دى وغيرته تظهر فحاجات متستدعيش الغيره اصلا زى مايكون بيمثل
لا أختي،، مايفعله زوجك هو محاولات لاسترداد كرامته وايجاد اعذار اخرى
تقلل من شعوره بالذنب تجاهك، وليس يقصد ان يؤذيكي عمدا، وقصة اعجابه
بأختك قد يكون صادق في قصده الذي سبق وأن ذكره لكِ
وثقته فيكِ يجب ان تكون مصدر فخر لكِ واطمئنان بأنه واثق فيكي وليس استنكار
علما بأن هناك نسبة من الرجال الذين يعانون من العنة (عدم القدرة) يلجأون
للتغرير بزوجاتهم وتسهيل وقوعهم في الخيانة بهدف ان يوجدوا لأنفسهم
مبرر مقبول لكرههم وعدم الرغبة في الممارسة معهم (اي مبرر آخر غير العنة)
وهذا الكلام ينطبق على الرجال والنساء. ولكن لاينبغي التأكيد على ذلك، واتهام
زوجك به،، فهذا ظلم،، لأن هناك من لايكون هذا مقصده
انابحكم العشره حبيته رغم انه بيظلمنى باستخسار حتى الكلمه الحلوه فيا اويضيع ساعه من وقته فمجرد الكلام او الخروج معايا
والموقف الاخير ده ضايقنى اوى لانه جرحنى قدام اهلى اللى صورتى قدامهم كويسه جدا
مثل ماقلت لك أختي، وجهة نظره التي ذكرها معقولة وربما لأنك اصلا متضايقة
منه اصبحتي غير قادرة على قبول وجهة نظره، لكن صدقيني ممكن يكون صادق
عاوزه حضرتك زى مافهمت شخصيته من كلامى تفهمنى هو بيعمل كده ليه عاوزنى ازهق واطلب انا الطلاق يعنى بمعنى اصح يضغظ عليا من جميع النواحى علشان اسيبه انا واظهر قدام اهلى ان انا اللى خربت بيتى ولا هو عاوز ايه
احتمال وارد أختي ولكنه ضعيف في اعتقادي
أنا شخصيا دائما أميل الى افتراض حسن النية، وانصحك ان تفعلي مثلي
حتى لو قالوا الناس عليكي هبلة،، وأنا زوجتي دايما تقول لي احس انك أهبل
لما أشوفك تقول عن كل الناس انهم طيبين، وواله بأضحك مع زوجتي وباتقبل
كلامها بصدر رحب وهي بتضحك وببقى محافظ على افتراض حسن النوايا
مع الناس كلهم ومطمئن ع الآخر
صدقيني أختي هذا الحال اللي ربنا طلبنا نعيشه: ((وَلَا تَسْتَوِي الْحَسَنَةُ وَلَا السَّيِّئَةُ
ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ )) فصلت34
واسفه جدا للاطاله بس والله حضرتك ظهرت لى نجده فوقت الكلام كان بركان جوايا ومش قادره اطلعه لحد ميكونش امين عليا
والسلام عليكم ورحمة الله وبركاته