نفساني - عرض مشاركة واحدة

10-12-2011, 12:38 AM

انا خفت لاني لما كنت صغيرة كنت اكل و فجأة قصيت بغيت اموت اختنقت و بجيت و خالتي عطتني شراب ماراح اقول ماركته عشان ما تصير دعاية و انا صرت ما اكل لين ما يكون هالشي يمي خفت اقص حتى لما كنا نسافر كنت اخذه معاي بالسفر و المشكلة عمري سبع سنين و استمر معاي هالشي لين عمري تسعه كنت بسفرة و بطريج الردة للكويت اكلت و نمت من غير لا اشربه و مت بعدها عرفت اني من غيره ما راح اقص و هديته بس صج الحيت اخاف يصير معاي جذي

دكتور احنا عيالتنا حيل تؤمن بالعين و انا منهم لاني بفترة من فترات حيااتي قعدت فترة ما آكل شي لمدة شهر و نص ع ما اظن و لما غسلت بوضوء وحدة تشافيت
يعني انا بحياتي حيل مريت بحالات نفسية بس اهلي ما ودوني طب نفسي لانه عبالهم هالشغلات عين

احنا اربع اشخاص اخوي الكبير بعدها انا و بعدين اخوي الصغير بعدين اختي
و امي و ابوي ما يبوني افكر بامراض نفسية و اخرب حياتي انا قدرت لسنتين اسيطر عليه بصعوببة و قدرت اتجاوز شغلات كثيرة بحياتي بس الحين المرض زاد عن حده و بديت بالاونة الاخيرة بفترة لا تزيد عن شهرين بديت اوسوس بالموت
وصرت امسك الاشياء مرتين ما اعرف شلون اشرح بس اتمنى انك فهمت
بس انا ما ابي ابالغ و اقول اني طول الوقت عايشة بحزن لا بالعكس انا اونس نفسي و استانس بس يمر علي الحزن بلحظات متطعه و الحمدلله على كل حال ?