فلة العمر

بيانات اضافيه [ + ]

رقم العضوية : 32548  تاريخ التسجيل :  12 2010  أخر زيارة : 07-10-2013 (01:19 AM)  المشاركات : 490 [ + ]  التقييم :  12

لوني المفضل : Cadetblue

السلام عليكم ورحمة الله وبركاته

مساء الوردات والفراشات ياغاليات

بنات عندي بشرى رائعة وسارة ومؤكدة بإذن الله

وحبدأ لكم القصة من البداية ..

قبل فترة كنا معزومين عند أرحامنا، وفي جارتهم هي الطرف الأجنبي (جزائرية) زي محدثتكم _* وخطيبها سعودي .. وجاتهم المعاملة بطريقة سهلة وسلسة ماشاء الله تبارك الله بالرغم من عدم اكتمال الشروط تدروي ليه!! يالله حزروا _* <<<< اخلصي علينا يابنت ''';LKP-IJB _

ابغاكم تروقوا شوية ياغاليين لاني ذايقة مرارة انتظار المعاملة (الحمد لله على كل حال) ..

المهم كانت البنت عمرها 18 سنة وخطيبها عمرو 20 او بالكثير 22 سنة (يعني ما يعطوهم هي لو بالمشمش) ..

سمعوا عن أمير المدينة (هدا الامير الخرافي الرائع، الله يسعدو ويكثر من امثالو)

المهم جاء ودخل مع المعروض على امير المدينة وقالوا انو مافي وحدة رضيت تسكن مع امي وهي وافقت على كدا وكلام غيرو واقتنع الامير الطيب .. وجات معاملتهم بكل يسر وسهولة ودحين ملكوا ماشاء الله تبارك الرحمن وفرحهم الشهر الجاي بإذن الله ..

فأوصيكم يابنات وبقوة انكم تجوا تدخلوا على امير المدينة المنورة بإذن الله ماراح يرد أحد ويكون سبب في تسهيل امور زواجكم بإذن الله ..

ويما مشى معاملات لشباب اعمارهم 24 و20 و22 بعضهم من مكة وبعضهم من شرورة وغيرها ..

فلا تتهانو يابنات وادخلولوا .. اما جدة وطريقتهم في المعاملة فلنا الله منهم اصعببببببببب منطقة .. فخلوها واتوجهوا للمدينة وماراح تندموا بإذن الله ..