عاشق المطر

بيانات اضافيه [ + ]

رقم العضوية : 36894  تاريخ التسجيل :  01 2012  أخر زيارة : 08-06-2023 (05:33 AM)  المشاركات : 149 [ + ]  التقييم :  10

لوني المفضل : Cadetblue

قصتي ومراحلي الثلاث ارجوكم انا ضايق ردو علي

بسم الله الرحمن الرحيم
السلام عليكم ورحمة الله وبركاته

انا ناصر من سكان الدمام عمري 21 ونص طالب جامعي

قصتي غريبه مره

بقولها لكم من اول نقطه في حياتي وتكفون ابغا الرد انا احس اني خلاص مدري وش اقولكم ياجماعه ابغى مساعدتكم اكتبلكم وانا فيني من الضيقه ما يعلم بها الا ربي

راح اقسم مراحل حياتي لثلاث اقسام منذ بدء هذا الش فيني كل مرحله تندمج مع المرحله الاخرى (يعني لاتختفي المرحله السابقه بل تضاف معها9


المرحله الاولى

كان عمري فيها 14 سنه ادرس في المتوسط
كنت وقتها الحمد لله احب الحياه ومستانس والضحكه ماتفارق شفاتي وفجأه
رأيت مقطع في الجوال (ميت اخرج من قبره واثار العذاب عليه) اول ما رأيته جتني قشعريه وخوف شديد وتطورت الحاله الى النوم فصرت كل ما ابي انام احس بخوف ورعشه وتسارع في نبضات القلب جلست تقريبا اسبوعين على هذه الحاله متواصله دون انقطاع وبعدها صارت تجيني على شكل نوبات وكان عندي مشاكل في النوم وقتها وبديت اقراء عن الاكتأب وانا صغير فخفت ولاكن....ومضت الحياه واحس كل يوم اني بخير وبدءت الضحكه ترجع لي....والحمد لله حسيت الحياه حلوه وتحسنت


المرحله الثانيه (هل هي وسواس قهري؟؟؟؟)

بدءت عندي حركات غريبه وطقوس صرت امارسها بشكل يومي كان عمري وقتها 17الى 18 تقريبا هي حركات مضحكه وبكل صراحه اتفشل اقولها ولاكن خلاص طفح الكيل وجا اليوم الي اتكلم فيه طبيعة هذه الحركات تتمثل في امثله مثلا قبل ان انام اقول انا اكيد ماراح يجيني نوم او ما بنام اذا ماسويت هذه الحركات مثلا المس السرير 4 مرات وادف الباب 4 لمسات وكل حركاتي تتمثل في 4 مرات والمس الستاره 4 مرات حتى انها تطورت الحاله الان ودخلت في الوضؤ فصرت ما اقدر اتوضأ الا اذا بسملت (قلت بسم الله الرحمن الرحيم) اربع مرات واحيانا في درج البيت في اماكن معينه لازم ادعس عليها واذا مادعست عليها ارجع لانه يجيني قلق انا ادري ان هالحركات مالها اي نفع بس مدري ليش اسويها غصب عني والحمد الله هذه العادات اهم مافيها انها لم تمس اي شي من اموري الاجتماعيه ولا التعليميه (يعني اطلع مع الشباب واحس اني سعيد واضحك وكل شي)



المرحله الثالثه (اسميها انا فقدان السعاده واحس اني خلاااااص مدري وش اقول....)

هذه المرحله بدءت عندي منذ قبل ثلاث اسابيع من هذا اليوم كان في يوم ربوع مثل كل ربوع اطلع مع الشباب وضحك واحس بالسعاده ... الحمد لله على كل حال
المهم....كنت مع اخوي في الغرفه اسولف معه جتني فجأه دوخه وصرت ما احس بنفسي وصرت احس اني في حلم علما ان وقتها كنت مقصر في الصلاه المهم قلت لأخوي ودني المستشفى وداني وخلاص نبضات قلبي تسارعت بشكل غير طبيعي واحس اني امايل يمين ويسار قست الضغط قالو سليم والحمد لله وكذالك النبضات عندي عالي العال وطول هالوقت كنت احس اني في حلم واحس اني في غيبوبه واخوي حولي يهديني المهم قالو مافيك شي عطوني حبه تهدي النبضات وقالو يالله توكل على الله رجعت البيت وقتها وصليت مافاتني من صلاه وجت الوالده عندي وطلبتني اقراء سورة البقره كامله قرأت االصوره والحمد لله حسيت اني تحسنت بس مو مثل اول المهم رقدت وقمت يوم الخميس وهنا كانت البدايه عندي قمت احس بضيقه وودي ابكي وماودي اطلع وماودي اجلس مدري وش فيني زي التايه مدري وش اسوي واطالع اهلي وهم يكلموني واقول لا لا بقوم الحين انا شكلي نايم معها ضيقه وبكاء استمرت هذه الحاله عندي ثلاثه ايام كامله واحس انها تبدء عندي كل يوم من اول ما اقعد من النوم الى الساعه 10 الليل بعدين احس انها تبدى تخف الضيقه والقلق بس احس اني مو مثل اول وما اقدر اضحك لا اخفيكم علم اني ماصرت اطلع من البيت وكل ما اطلع احس بخوف وضيقه مستمره وبكاء واحس اني في خيال خلااااااص قلت بموت انا امي تطالع فيني كل يوم وتبكي والوالد ماعنده علم المهم قالت امي لازم اقول لابوك قلت قوليله يابعد قلبي طبعا ابوي مصاب بالاكتأب منذ 35 سنه على حد كلامه ويقول ان كل الي جاك جاني وانا صغير حسيت اني هديت شوي يوم قالي هالكلام المهم وكل يوم وانا على هالحال قال الوالد بجيبلك حبوب اسمها سيبراليكس وقرأت عن هذه الحبوب وكما قرات انها لان يبدء مفعولها الا بعد اسابيع اخذت قبل امس نصف حبه بشكل يومي طبعا ما ادري بعد الحبه حسيت براحه وفرح بس مو مثل اول لانه يبقى يدور في ذهني هذا الخوف وفي اليوم الي بعده جتني نوبات خوف خفيف تروح وتجي واحس اني بالليل اتحسن مره مره وخصوصا اذا انا في غرفتي وبذات اذا اخوي الصغير حولي ولاكن لا انسى اني اقول اني متحسن عن اول بشكل حلو


اولا س/هل السبب الاول هو سبب كل هالي انا فيه لاني احس انه مسلسل متتابع بدأ من يوم شفت هالمقطع الى يومك على الرغم اني الان لا ابالي بهذا المقطع ولاكن ادعي على الي خلاني اشوفه

ثانيا س / هل المرحله الثانيه هي وسواس قهري ؟؟؟؟

ثالثا س / ما تشيخصكم في مرحلتي الثالثه مرحلة فقدان السعاده

رابعه س / هل اواصل على السيبراليكس وازيد الجرعه بعد اسبوع ونصف لاني حسيت انه ريحني ولله الحمد 80%


وشكرا جزيل لكم


ارجوكم يا اخوان ردو علي


لان الوالد يقول بوديك لطبيب نفسي في مستشفى سعد الخاص وانا احس ما ودي مدري ليش


اخواني تذكرو الضيقه الي فيني ولا تتجاهلوني ارجوكم



اريد رد ولو كان سطر


ناصر....



المعذره على تكرار الموضوع لاكني اريد رد ارجوكم وش حالتي

المصدر: نفساني