نفساني - عرض مشاركة واحدة

11-01-2012, 03:34 PM

[QUOTE="hope;745050]اعترف

انك لست الوحيدة يا بنت العجمي الي ينتابك هذا الشعور

هذه النفس اللوامة عند كل واحد حي الضمير

يحاسب نفسه و يصصح اخطاءه و يطمع في رحمة ربه و مغفرته

انا مثلك اقول ذنوبي لا تعد و لا تحصى... و مرات اقنط و اياس "استغفر الله" و مرات اطمع في رحمة ربي و عفوه

لا تخلي مجال للشيطان انه يلعب عليك و يحزنك \ تذكري دائما ان الله ارحم بك من والدتك

"اللهم اتنا في الدنيا حسنة و في الاخرة حسنة و قنا عذاب النار "[/QUOTE]

[CENTER][FONT="Arial Black"]الله يسلمك ويعافيك تعرفين بعد موت حماتي في ذاك اليوم وحنا في الاستراحه

عيد وفرحانين والعاب ناريه وهي معايه تضحك ومبسوطه وانا كذلك مافي اي

عوارض تدل علي انها بتموت حتي هي كانت تفكر اش تشتري فستان لزواج اخوها

الا هو يوم الخميس الابعد الامتحنات يعني بعد اسبوع من الان الله كلما قرب وقت

الزواج اذكر كلامها من رمضان تجمع تفكر تشتري فستان للزواج لكن بعد ماخرجنا

ذاك اليوم من الاستراحه كل وحده منا راحت البيت واخر اليل الساعه 1 ليلا مرت

عليها سولفت شوي معها ومشيت من عندها واجي الصباح وافطر مع عماني اب

وام المرحومه واجلس واقول فلانه اكيد نايمه كالعاده واجلس ال الساعه 11

صباحا واحط راسي لاني مواصله وانام ويجي زوجي الساعه 12ظهر وماحسيت

فيه من التعب الا واسمع زوجي يقول الله يستر الله يستر ويكرر فيها قمت من

النوم زي المجنونه اش فيه اش فيه ليكون ابوي مات لانووالدي الله يطول بعمره

ويشفيه تعبان قال لا اختي اختي تعبانه ماخفت كثير لان قلت يمكن تعب بسيط

وكل هذا الخوف علشان تعب بسيط واروح واطلع البيت لي سلفتي واجلس اسال

وش الاصار علي حماتي حتي هي ماتدري تقول سمعت صياح ونياح وهي نايمه تقول قمت زي المجنونه وتدخل علي اخون زوجها وهي لبسه لبس نوم من

الفجعه ولااحد عارف واش الاصار دقيت علي زوجي وسألته وهو في المستشفي

قال مادري انا خارج المستشفي وامي بالداخل قلت وش لاحظت عليها قال يمكن

جلطه قلت جلطه وهي صغيره وماتعني من اي مرض وقمت قلت له ودني

المستشفي عمتي كبيره وتعبانه وبالفعل قام اخذني ورحت وشفتها وكانت اخر

مره اشوفها وهي صاحيه اكلمها اقول لها فلانه فلانه ردي علي ترمقني بنظرات

غربيه تدل علي انها لاتفقه ولاتعلم مايحدث واين هي وأرد فلانه ردي علي

تعرفيني تعرفيني من داخلي بركان انا اشوفها تقلب في يدها ويدها كانها ميته

لاحياة في يدها من الجلطه وامسح لعابها الايسيل من فمها لان لسانها ماعاد

يتحرك ولاتتحكم فيه وانا محروق قلبي يالله امس نضحك واليوم نبكي سوي اشعه

وتحاليل وقالو جلطه في ثلثة ارباع الدماغ وبعدها كم يوم وتدخل العنايه وبعدها

تدخل في غيبوبه وبعدها تفيض روحها لله يعني اسبوعين في المشفي وانا

حاطه يدي علي قلبي خايفه انها تموت قالو لي اهلي افضل لها الموت لانها راح

تعيش زي المشلوله ومافي احد يقوم علي رعايتها كنت اقول لا مابيها تموت مابي

افقدها لكن انت تريد وهو يريد والله يفعل مايريد جاء خبر موتها في الساعه

السادسه صباحا وانا الي هذا اليوم مافي يوم ماتذكرها وابكي وبعض الاحيان اروح

بيت عماني وامشي في الصاله واروح غرفة نومها واتذكر خطوتها في المطبخ

وقدام التلفاز وابكي بحرقه راحت فلانه وماتسامحت منها اجلس علي الكنب

الاجلست عليه وابكي اتذكر كيف كانت تاكل وكيف تجلس وكيف تطبخ اتذكر كل

خطوه لها من بعدها سرت احسب للموت الف حساب فلانه راحت وماكانت تعرف

انها راح تموت الموت مايستأذن من احد يجي يدخل البيوت وياخذ من انتهي اجله

يارب غفرانك لذنوبي رحمتك ورضاك يارب اللهم امين معاليش اختي ازعجتك بكثرة

هذرتي لكن اطلع مايؤلمني من فقد عزيز[/FONT][/CENTER]