نفساني - عرض مشاركة واحدة

14-01-2012, 01:58 AM

وليت كندير شي حوايج غريبة ماشي مني انا

كنحس انني ماشي انا اللي كنديرها كنحس بان فيا شي حاجة اخرى كتحكم فيا

والله العظيم كنستاعد بالله من الشيطان الرجيم ولكن داكشي فالداخل ديالي

فنعاس كنحس باعتداءات من شي حد اخر كيعتدي عليا وانا ناعسا كنفيق ما كنلقا حتى شي حد

الى خرجت بوحدي كنحس براصي بحال شي حمقا كنحس بشي حد كيتكلم معايا كنبدا نتكلم معاه وكيجاوبني

ابو يوسف انا ماشي حمقا والله انا طبيعية ولكن ما عرفت مالي

شي حاجة فالجسد ديالي يمكن مسكونة تعرف فاش كيخرجو مالين دار ونجلس بوحدي
كتجيني سخفا والدوخا وكندير حركات ماشي طبيعية

وكنبقا نبكي وكنقول يا ربي نرجع غير شويا من ما كنت

فالول كنت كنتمنا الموت وصافي دابا كنحس بانني هنموت وكنحس بنعاس

بحال الى نعس نعسة اهل الكهف

انا ماشي حمقا وما عرفت مالي

وتصور كندير حوايج ماشي من الارادة ديالي .... ما بغيتش نهدر عليها حوايج مكنبغيش نديرها وكنديرها وبطبيعة الحال هي عصيان لرب العالمين

انا انسانة مؤمنة وملتزمة بديني ولكن علاش انا وليت هكدا

انا بصراحة خايفة وهتشي راني ماشي حمقا انا طبيعية يمكن مرض نفسي وصافي